Dili, 13 Dezembru 2024
Ministériu Edukasaun liu husi Diretora- Jeral Planu, Polítika, Inkluzaun no Informátika (DGPPII) Sra. Odília das Dores Ung Martins hamutuk ho Korea International Cooperation Agency (KOICA), World Food Programme (WFP), World Health Organization (WHO) no Diretór Jeral Ministeriu Saúde halao diskusaun ho tema say no to 5s in schools, iha Hotel Timor.
Iha intervensaun, DG PPII Sra. Odília das Dores Ung Martins hateten nia kontente tebes tanba bele partisipa iha enkontru steering committee meeting ida ne'e. Tanba nia sente katak durante iha tinan 2024 ita hala'o pasu barak ona, relasiona ho saúde eskolár hanesan ita-bo'ot sira hatene, atu mantein estudantes sira saudavél no livre husi moras, ne'e importante tebes, ne'ebé kontribui ba susesu eskolár.
“Iha enkontru ida ne'e atu rona kona-ba lalaok rastreu nian iha eskola sira liuliu ba matan no tilun no mos planu atu kontinua ho atividade ida ne'e tinan-tinan. Hahú iha tinan 2025 mak atividade save husi programa IX konstituisional ho maneira ida ne'ebé simples, maibé efetivu atu asegura apoiu ba estudante sira ne'ebé presiza" Dehan Diretora Jeral ne'e
Iha tinan 2024 pasu ida ne'ebé importante ba Ministériu Edukasaun no Ministériu Saúde mak halo asinatura ba nota de entendimentu hodi loke odamatan ba kolaborasaun ne'ebé efisiente liutan iha area oi-oin husi saúde eskolár, inklui mos rastreu saúde sira iha eskola no fornesimentu ba tratamentu no intervensaun ba estudante sira.
Atividade ne'e, partisipa husi dirijente Ministériu Saúde, Ministériu Administrasaun Estatál ho parseiru sira hanesan KOICA, WFP no WHO.
#MEDIAME
#JornalistaSigamau
