.jpeg)
Aileu, 18 Dezembru 2025 - Sua Exelénsia Ministra Edukasaun, Dra. Dulce de Jesus Soares, partisipa iha serimónia entrega sertifikadu rekoñesimentu ba funsionáriu públiku sira ne'ebé tama iha reforma obrigatóriu.
Iha diskursu, Sua Exelénsia Ministra Edukasaun, Dra. Dulce de Jesus Soares, hateten, ohin mai iha fatin ne'e, hodi fó onra ba dedikasaun no kompromisu ba funsionáriu públiku sira hamutuk na’in-1.985 ne’ebé sei tama ba reforma obrigatóriu. Sira ne’e sakrifika sira-nia moris durante tinan barak, hahú husi Estadu ida-ne’e hambriik, hodi kontribui iha dezenvolvimentu ba Estadu no Governu.
"Nu’udar Ministra Edukasaun, ha’u hakarak fó rekoñesimentu no valorizasaun espesiál ba eroi edukasaun na’in-1.985, ne’ebé atu husik sira-nia kolen no tama ba faze foun iha sira-nia moris, faze ida-ne’ebé bele aproveita tempu ho família, hametin amizade sira, no hahú aventura foun, lahó preokupasaun kona-ba serbisu. Nune’e, ohin ita halibur malu la’os de’it atu kumpre formalidade administrativa ida, maibé hodi fó onra ba ema ne’ebé fó an ba nasaun durante sira-nia moris tomak. Bainhira ida-idak foti ninia sertifikadu, ne’ebé sai evidénsia hosi ida-idak nia istória naruk ba serbi povu no Governu Timor-Leste.", dehan S. E. Ministra Edukasaun.
Governante ne'e hatutan, Na’in-1.985 ne’ebé ohin tama reforma mak foti papél importante tebes hodi forma ita-nia nasaun. Iha tinan 2002, bainhira ita-nia nasaun foin ukun rasik-an, Ita-Boot sira mak hambriik iha oin. Imi hanorin iha uma-ruin laran, imi hanorin iha ai-hun okos, imi hakerek iha kuadru ne’ebé nakfahek, no dala barak imi serbisu maske la simu saláriu ne’ebé merese tuir ida-idak nia kbiit. Durante Ita-Boot sira-nia servisu naruk ba ita-nia rai doben, la hanorin konteúdu no kurríkulu de’it, maibé Ita-Boot sira mak haburas esperansa bainhira ita-nia nasaun sei nakukun hela. Imi kuda fini ba dame no unidade nasionál ne’ebé ohin loron ita hotu goza daudaun. Tan ne’e, Estadu hato’o agradesimentu kle’an: Obrigada barak – maski iha tempu susar liu, nunka husik ami, no ami-nia oan sira mesak. Mai ita hotu la’o hamutuk iha dalan transformasaun ne’e, hodi hanoin nafatin katak: Bainhira profesór di’ak, eskola sai naroman. Bainhira eskola naroman, nasaun sai forte.
[PORTU]
1985 FUNCIONÁRIOS PÚBLICOS RECEBEM CERTIFICADOS DE RECONHECIMENTO ANTES DA REFORMA OBRIGATÓRIA
Aileu, 18 de dezembro de 2025 – Sua Excelência a Ministra da Educação, Dra. Dulce de Jesus Soares, participou na cerimónia de entrega de certificados de reconhecimento aos 1.985 funcionários públicos que entram na reforma obrigatória.
No seu discurso, a Ministra da Educação afirmou que o momento serviu para prestar homenagem à dedicação e ao compromisso dos 1 985 funcionários públicos que passam agora à reforma obrigatória. Sublinhou que estes servidores sacrificaram as suas vidas durante muitos anos, desde os primórdios da edificação do Estado, contribuindo de forma decisiva para o desenvolvimento do país e do Governo.
“Enquanto Ministra da Educação, quero expressar um reconhecimento e uma valorização especial heróis da educação , que se preparam para deixar as salas de aula e iniciar uma nova fase das suas vidas — uma etapa em que poderão dedicar mais tempo à família, fortalecer amizades e iniciar novas experiências, sem as preocupações do trabalho. Reunimo-nos hoje não apenas para cumprir uma formalidade administrativa, mas sobretudo para honrar homens e mulheres que deram tudo à nação ao longo das suas vidas. Cada certificado entregue é testemunho de uma longa história de serviço ao povo e ao Governo de Timor-Leste”, afirmou a governante.
A Ministra destacou ainda que os profissionais do grupo de 1985 que hoje entram na reforma desempenharam um papel fundamental na formação da nação. Em 2002, quando o país dava os primeiros passos como Estado soberano, foram estes profissionais que estiveram na linha da frente. Ensinaram em edifícios precários, debaixo de árvores, escreveram em quadros degradados e, muitas vezes, trabalharam sem receber o salário justo correspondente ao seu esforço. Ao longo do seu percurso, não transmitiram apenas conteúdos e currículos, mas alimentaram a esperança num período em que a nação ainda se encontrava fragilizada. Plantaram as sementes da paz e da unidade nacional de que hoje todos beneficiam.
Por isso, o Estado expressa o seu mais profundo agradecimento: muito obrigado por nunca terem abandonado o país e as suas crianças, mesmo nos momentos mais difíceis. A Ministra concluiu apelando à continuidade do caminho de transformação, recordando que “quando os professores são bons, as escolas florescem; quando as escolas florescem, a nação torna-se forte”.
#MédiaME
