Dili, loron 10 fulan Fevereiro 2026
Sua Exelénsia Ministru Edukasaun Interinu Sr. Domingos Lopes Lemos, hala'o abertura ba formasaun kona-ba “Information and communications technology” (ICT) ba Superintendente no Inspetór eskolár Munisípiu Bobonaro no Ainaro iha salaun Ian Martin Infordepe tersa-feira ne’e.
Abertura ne’e, Sua Exelénsia Ministru Edukasaun Interinu Sr. Domingos Lopes Lemos, hateten formasaun ne’e hanesan Inspesaun ho abilidade atu uza ferramenta dijitál avansadu, espesifikamente. Prátika ne’e sei garante katak, bainhira fila ba Ainaro no Bobonaro, prontu ona atu aplika kedas buat ne’ebé aprende. Inspesaun eskolár mak garante kualidade edukasaun nian. Se laiha inspesaun ne’ebé ríjidu, labele asegura prestasaun kontas no responsabilizasaun. "Nu’udar Superintendente no Inspetór sira, ita-boot sira mak Ministériu nia matan no tilun iha terrenu. Bainhira ami implementa sistema Inspesaun Dijitál, ami fó kbiit ba ita-boot atu halibur evidénsia bazeia ba faktu reál sira. Ida-ne'e sei permite ami-nia desizaun polítika sira atu bazeia ba dadus konkretu sira", dehan Governante ne'e.
Governante ne’e afirma katak, Ministériu Edukasaun hakarak eskola hotu-hotu iha Timor-Leste, maske iha fatin ne'ebé dook, sente prezensa husi ekipa inspesaun ida ne’ebé profisionál, modernu no efisiente. Tan ne’e, husu Inspetór no Superintendente nia dedikasaun másimu durante tuir formasaun ne’e.
Abertura formasaun refere akompaña husi Diretora Jerál Plano Polítika Inkluzaun Informátika Sra. Odília das Dores Ung Martins no Sub-Inspetór Núkleu Administrasaun Finansas Sr. Jerimeas Gomes no Dirijente sira. Formasaun refere fasilita husi IGED, DNSIT no GALA. Superintendente no Inspetór Eskolár hamutuk na'in 42, formasaun ne’e hala’o durante loron rua hahú husi loron 10 fulan Fevereiro 2026 sei remata iha loron 12 fulan Fevereiro 2026.
[PORTU]
MINISTRO DA EDUCAÇÃO INTERINO INAUGURA FORMAÇÃO EM TIC PARA SUPERINTENDENTES E INSPETORES ESCOLARES DOS MUNICÍPIOS DE BOBONARO E AINARO
Díli, 10 de fevereiro de 2026
Sua Excelência o Ministro da Educação Interino, Domingos Lopes Lemos, presidiu esta terça-feira à sessão de abertura da formação em Tecnologias da Informação e Comunicação (TIC) destinada a superintendentes e inspetores escolares dos municípios de Bobonaro e Ainaro. A iniciativa decorre na Sala Ian Martin, no INFORDEPE.
Na ocasião, o governante sublinhou que a formação visa reforçar as competências da inspeção escolar no uso de ferramentas digitais avançadas, assegurando que, no regresso a Ainaro e Bobonaro, os participantes estejam devidamente preparados para aplicar, de forma imediata, os conhecimentos adquiridos. Segundo afirmou, a inspeção escolar é um pilar fundamental para garantir a qualidade da educação, acrescentando que, sem uma inspeção rigorosa, não é possível assegurar a prestação de contas e a responsabilização. .
“Enquanto superintendentes e inspetores, os senhores são os olhos e os ouvidos do Ministério no terreno. Com a implementação do sistema de Inspeção Digital, estamos a capacitar-vos para recolher evidências baseadas em factos reais, o que permitirá que as decisões políticas assentem em dados concretos”, declarou o Ministro.
O Ministro da Educação Interino reafirmou ainda o compromisso do Ministério em assegurar que todas as escolas de Timor-Leste, incluindo as localizadas em zonas remotas, sintam a presença de uma equipa de inspeção profissional, moderna e eficiente. Nesse sentido, apelou ao máximo empenho e dedicação dos inspetores e superintendentes ao longo da formação.
A sessão de abertura contou com a presença da Diretora-Geral de Planeamento, Políticas de Inclusão e Informática, Odília das Dores Ung Martins, do Subinspetor do Núcleo de Administração Financeira, Jerimeas Gomes, bem como de outros dirigentes. A formação é ministrada pelo IGED, DNSIT e GALA.
No total, participam 42 superintendentes e inspetores escolares. A ação formativa decorre ao longo de dois dias, de 10 a 12 de fevereiro de 2026.
#MédiaME
