Dili, sábadu 18 abríl 2026

Sua Exelénsia Ministra Edukasaun Dra.Dulce de Jesus Soares ho Arsebispu Diózese Dili, Kardinál Virgílio do Carmo da Silva, SDB no Diretór Sáo José Operário, Padre César Magno inagura Eskola Ensinu Báziku Sentrál no Ensinu Sekundária Jerál Colégio São José Operário Balide.

Iha diskursu Sua Exelénsia Ministra Edukasaun Dra.Dulce de Jesus Soares hatete, Colégio São José sai instituisaun ida-ne’ebé sei kontinua hanorin estudante sira la’ós dixiplina akadémiku de’it, maibé oinsá sai ema ne’ebé morál, étiku, no hadomi ema seluk. Nune’e, ho kualidade sira-ne’e fiar katak estudante sira sei remata ho baze fundamentál ne’ebé habele sira atu hetan susesu iha sira-nia moris profisionál no privadu aban bainrua nian.

" Ita hotu hatene, Igreja Katólika mak instituisaun ne’ebé responsavel ba dezenvolvimentu barak iha ita-nia rain, espesialmente iha área saúde no edukasaun, no Colégio São José Balide mak sentru ida hosi sistema edukasaun Katólika durante okupasaun Indonézia, hodi fornese fatin iha-ne’ebé bele prezerva ita-nia identidade no valór sira", Tenik Ministra.

Governante ne'e esplika eskola São José kontinua sai eskola ida ne’ebé koñesidu ba exelénsia akadémiku, maski durante períodu instabilidade nasionál no haree eskola ida-ne’e hanorin duni valór sira-ne’ebé relasiona ho São José tanba São José rasik mak karpinteiru ida – no eskola ida-ne’e inspira duni ideia katak serbisu manuál no mós estudu intelektuál iha dignidade hanesan. Baze prinsipál ne’e sei enkoraja estudante sira.

Infrastrutura eskolár importante tebes – liuliu ba eskola Katólika no privadu sira, ne’e fó imajen di’ak ida katak eskola ne’e iha kualidade duni. No klaru, iha ezijénsia balu relasiona ho infrastrutura eskolár oras ne’e ne’ebé uluk laiha – sala-aula sira presiza kondíz ho aprendizajen ativu no kolaborativu, instalasaun sira presiza di’ak ba meiu-ambiente, ka “environmentally friendly” no agora ho énfaze ba literasia dijitál, eskola presiza iha konetividade internet.

#EliasdaCosta
#MédiaME

Dili, 17 abríl 2026

Sua Exelénsia Ministra Edukasaun Dra.Dulce de Jesus Soares partisipa iha aprezentasaun teste EGRA (Early Grade Reading Assessment) no EGMA (Early Grade Mathematics Assessment) ne'ebé ekipa husi Ministériu Edukasaun halo ba estudante sira iha eskola hotu iha munisipiu Liquiça.

Nune'e iha intevensaun Sua Exelénsia Ministra Edukasaun Dra.Dulce de Jesus Soares hatete, Ministériu Edukasaun forma ekipa pedagójika ida atu tun ba eskola sira hodi halo teste ba estudante sira kona-ba literásia no numerásia.

"Teste ida ne'e reflete ba estudante sira nia klase. Bainhira teste ba estudante sira iha klase ida ka (1⁰ ano)ekipa pedagójika sei halo teste ba materia Pre-Eskolár nian, ba klase daruak ka (2⁰ ano) maka sei fo teste ba materia klase ida nian no ba klase datoluk ka (3⁰ ano) sei fó teste ba materia klase daruak nian", Dehan Ministra.

Lider másimu edukasaun ne'e argumenta, agora dadaun Ministériu Edukasaun halo teste iha fulan fevereiru no marsu maibé sei halo teste fali iha fulan novembru hodi haree progresu estudante sira rezultadu durante tinan ida nia laran.

Enkuantu partisipa iha atividade aprezentasaun rezultadu ne'e maka Sekretária ba asuntu administrasaun no finansas, Diretór Servisu Edukasaun Munisípal, Diretór no koordenadór sira iha munisípiu Liquiça.

#EliasdaCosta
#MédiaME

Aileu, loron 18 abríl 2026

Sua Exelénsia Ministra Edukasaun Dra.Dulce de Jesus Soares presta omenajen ikus ba maktoban Avelino de Araújo ne'ebé fila ona ba maromak nia kandunan santu iha loron 17 fulan abríl tinan 2026 iha Hospitál Nasionál Guido Valdares munisípiu Dili.

Sua Exelénsia Ministra Edukasaun Dra.Dulce de Jesus Soares nia prezensa iha residénsia maktoban nian iha Suku Malere, atu bele valoriza no fó rekoñesimentu ba maktoban nia dedikasaun tomak ne'ebé durante sei moris apoiu atividade Ministériu Edukasaun iha Munisípiu Aileu.

Maktoban Avelino de Araújo nu'udar la'en kaben husi Diretora Servisu Edukasaun Munisípiu Aileu nian Sra. Beatriz de Deus Torrezaun no iha oan na'in haat kompostu husi feto tolu (3) no mane ida (1).

#EliasdaCosta
#MédiaME

Ermera, 16 Abril 2026

Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál (ESG-ESTV), Sr. Domingos Lopes Lemos, partisipa iha serimónia inaugurasaun edifísiu foun postu saúde no uma ba médiku iha Lebeluli, suku Dukurai, Postu Administrativu Letefoho, Munisípiu Ermera, iha kinta-feira ne’e.
Iha intervensaun durante eventu ne’e, Sua Exelénsia Sekretáriu Estadu Sr. Domingos Lopes Lemos hateten katak, inaugurasaun postu saúde no uma ba médiku importante tebes ba komunidade Letefoho, tanba fasilita asesu servisu saúde ne’ebé besik liu ba povu.
“Infraestrutura hanesan postu saúde no uma ba médiku nee sei ajuda hamenus difikuldade komunidade atu hetan tratamentu saúde, liu-liu ba inan isin-rua, labarik no katuas sira. Governu kontinua kompromete atu hadi’a kualidade moris povu liuhusi servisu saúde no edukasaun,” hateten nia.
Nia mós enfatiza katak dezenvolvimentu setor saúde no edukasaun tenki lao hamutuk, tanba rua ne’e sai fatin importante ba futuru nasaun nian. Ho fasilidade foun ne’e, espera katak estudante sira mós bele aprende iha ambiente ne’ebé di’ak liu, ho saúde ne’ebé di’ak.
Xefe Suku Dukurai no reprezentante komunidade lokál sira mós agradese ba Governu ba konstrusaun infraestrutura ne’e, ne’ebé konsidera hanesan resposta ba nesesidade tempu naruk nian iha área refere.
Serimónia inaugurasaun ne’e marka pasu importante ida iha esforçu Governu atu hadi’a servisu saúde básiku iha área rurál, liu-liu iha Munisípiu Ermera, ne’ebé durante ne’e hasoru hela limitasaun asesu ba fasilidade saúde.
Ikus liu, governante ne’e mós husu ba komunidade letefo, uma ne’e, imi nian haree bali no kuidadu ba hanesan imi-nia uma rasik
Iha inaugurasaun ne’e hetan partisipasaun másimu husi, Sua Exelénsia Vise-Ministru Estatál Sr. Jacinto Rigoberto, Vice-Ministru Saude Sr. José dos Reis Magno, PAM Ermera, Sr. José Dos Santos Soares, Autoridade Postu suku no aldeia, pesoál saúde sira ho komunidade Suku Dukurai Postu Adminsitrativu Lete-Foho

[PORTU]
SECRETÁRIO DE ESTADO DO ESG-ESTV PARTICIPA NA INAUGURAÇÃO DE POSTO DE SAÚDE E RESIDÊNCIA MÉDICA EM LETE-FOHO

Ermera, 16 de abril de 2026 — Sua Excelência o Secretário de Estado do Ensino Secundário Geral e do Ensino Secundário Técnico-Vocacional (ESG-ESTV), Sr. Domingos Lopes Lemos, participou, esta quinta-feira, na cerimónia de inauguração de um novo edifício destinado a posto de saúde e residência médica, em Lebeluli, suco de Dukurai, Posto Administrativo de Lete-Foho, no município de Ermera.
Na sua intervenção durante o evento, o governante destacou a importância desta infraestrutura para a comunidade de Lete-Foho, sublinhando que a mesma facilitará o acesso a serviços de saúde mais próximos da população.
“O posto de saúde e a residência médica irão contribuir para reduzir as dificuldades da comunidade no acesso a cuidados de saúde, sobretudo para mulheres grávidas, crianças e idosos. O Governo mantém o seu compromisso de melhorar a qualidade de vida da população, através do reforço dos serviços de saúde e educação”, afirmou.
O Secretário de Estado salientou ainda que o desenvolvimento dos setores da saúde e da educação deve caminhar em paralelo, por constituírem pilares fundamentais para o futuro da nação. Com a disponibilização destas novas infraestruturas, espera-se igualmente que os estudantes possam beneficiar de melhores condições de saúde, favorecendo um ambiente de aprendizagem mais adequado.
O Chefe do Suco de Dukurai e representantes da comunidade local expressaram o seu agradecimento ao Governo pela construção destas infraestruturas, consideradas uma resposta a necessidades sentidas há já vários anos na referida área.
A cerimónia de inauguração assinala mais um passo importante no esforço do Governo para melhorar os serviços básicos de saúde nas zonas rurais, particularmente no município de Ermera, onde persistem limitações no acesso a infraestruturas de saúde.
Por fim, o governante apelou à comunidade para que preserve e cuide destas infraestruturas como se fossem património próprio.
O evento contou ainda com a presença de Sua Excelência o Vice-Ministro da Administração Estatal, Sr. Jacinto Rigoberto, do Vice-Ministro da Saúde, Sr. José dos Reis Magno, do Administrador Municipal de Ermera, Sr. José dos Santos Soares, bem como de autoridades locais, profissionais de saúde e membros da comunidade do suco de Dukurai, Posto Administrativo de Lete-Foho.
#jornalistaMario
#MédiaME