Díli, 07 juñu 2025, Governu Timor-Leste hamutuk ho manorin no estudante sira hala’o atividade kona-ba Marxa Saudável husi Ministériu Negósiu Estranjeiru hodi la’o ain ba to’o iha Portu Dili.

Eventu ida ne’e hala’o atu hodi komemora loron mundial “Oseanu no Astronomia” iha Timor-Leste. Manorin no estudante timoroan hotu partisipa iha eventu ida ne’e ho entuziazmu tebes.
Xefe estadu, Dr. José Ramos Horta ho Xefe governu, Kay Rala Xanana Gusmão ho membru governu dasiak mós la’o ain hamutuk ho estudante no komunidade sira husi Ministériu Negosiu Estranjeiru no Kooperasaun to’o iha Portu Díli hodi komemora loron importante Oseanu no Astronomia ida ne’e.

To’o iha Portu Dili, abertura ba eventu ida ne’e Xefe Estadu, Dr. José Ramos Horta hateten, ohin loron bo’ot ida atu komunidade sira hatudu kreatividade, vizaun di’ak, hatudu domin ba tasi no ba natureza. Iha eskola mós dirijente sira tenke hatudu inisiativa hodi kuda ai-oan ai-funan, ai-fuan no modo atu bele eduka joven no labarik sira hatene kuidadu ambiente no hadomi natureza ho tasi”, Dehan Prezidente Repúblika.

Prezidente Repúblika mós husu atu labele so’e lixu arbiru iha mota laran, estrada, labele tesi ai arbiru, labele oho manu-oan sira ai-laran, labele ka’er animál fuik sira tanba kuidadu ambiente no animál sira maka hatudu domin ba nasaun.

#jornalistaElias
#MédiaME