Dili - Sabado, 08/06/2024
Sekretàriu Estadu Ensinu Sekundàriu Jerál no Ensinu Sekundáriu Tékniku Vokasionál Sr. Domingos Lopes Lemos akompaña husi Diretór Jerál Ensinu Sekundáriu Sr. Deolindo da Cruz no Diretór Nasionál Tékniku Vokasionál Sr. Fernando Gama partisipa iha serimónia lansamentu "Peixe Azul" ka Ikan Azul iha Palásiu Governu oin, Sabado ne’e.
Enkuantu, abertura lansamentu "Peixe Azul" ka Ikan Azul ne'e husi Prezidente Repúblika José Ramos-Horta, Reprezentante Santa-Sé iha Timor-Leste, Monseñor Marco Sprizzi akompaña mós husi Primeiru Ministru Kay Rala Xanana Gusmão no membru governu balun.
Iha abertura ne'e Prezidente Repúblika, José Ramos-Horta espressa sentidu esperansa katak, “Ikan Azúl” ne’ebé lansa daudaun bele eduka liu tán Timoroan hotu-hotu atu bele hatene proteze ambiente liuliu hatene so’e lixu plástiku iha ninia fatin própriu, nune’e bele utiliza bá resiklázen hodi prodús fali buat seluk ne’ebé útil bá ema nia vida no la estraga ambiente tasi.
"Bainhira ita so’e arbiru plástiku, tempu udan sei lori hotu bá tasi no estraga hotu animál sira iha tasi laran no estraga mós ita nia tasi,” deklara Exelénsia ne'e
#MédiaME
