Jember, 08-12-2025, - Sua Exelénsia Sekretáriu Estadu ESJ-ESTV Sr. Domingos Lopes Lemos sai nu’udar oradór ba Semináriu Internasionál Ensinu Tékniku Vokasionál iha Mandala. Iha Semináriu ne’e akompaña husi Xefe Gabinete Sekretáriu Estadu ESJ-ESTV Sr. Napoleão dos Santos Lima, Diretór Nasionál ESTV Sr. Fernando Mouzinho Gama, Xefe Departamentu Administrasaun Jestaun Sr. Pedro da Silva Ximenes maka partisipa iha Semináriu Internasionál Ensinu Tékniku Vokasionál iha salaun auditóriu ITS Mandala segunda-feira ne'e.
Iha intervensaun Sua Exelénsia Sekretáriu Estadu ESJ-ESTV Sr. Domingos Lopes Lemos hateten apresia tebtebes ba ita hotu ne’ebé loron ohin hasoru malu hamutuk ho diretór na'in limanulu (50) ne'ebé mak partisipa iha semináriu ne'e. Agradese mós ba tempu tomak ne’ebé mak uza hodi sai uma na’in hodi halo atendimentu ba ami-nia vizita serbisu no estudu komparativu durante loron tolu. Ida-ne’e sai hanesan amizade ida ne’ebé mak kleur ona entre Timor-Leste ho Indonézia.
"Tanba ne'e ami presiza Ita-Boot sira-nia kontribuisaun no kooperasaun iha área agrikultura no peska hodi bele apoiu jestaun teknolojia ne’ebé mak relevante tebes. Ida-ne’e sai hanesan referénsia importante ba ami atu implementa iha eskola sekundária tékniku vokasionál nian hodi dezenvolve edukasaun iha Timor-Leste.
Governante ne'e reafirma tan katak ami-nia diskusaun sira durante vizita estudu ida-ne'e sei hamosu planu konkretu ida ba kolaborasaun. Ami simu inisiativa konjunta sira, husi programa hasa’e kapasidade treinamentu ba sira iha Institutu Mandala nian.
#MédiaME
#JornalistaErik.
