Ainaru,19-08-2024
Sua Exelénsia Sekretáriu Estadu ESJ-ESTV Sr. Domingos Lopes Lemos, hamutuk ho Diretór Jerál Ensinu Sekundáriu Sr. Deolindo da Cruz, Diretór Nasionál Ensinu Sekundáriu Jerál Sr. Benjamin da Cruz Fernandes no Diretór Nasionál Ensinu Sekundáriu Tékniku Vokasionál Sr. Fernando M. Gama, partisipa serímonia koileta atividade progrma Prova aptidaun profisionál iha Eskola Sekundáriu Tékniku Vokasionál horai kiik Maubisse segunda-feira ne'e.
Iha ámbitu ne’e Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos hateten, planu Ministériu Edukasaun halo liuhusi Diresaun Ensinu Tékniku Vokasionál ne'e tau prioridade liu ba eskola Téknika sira.
"Objetivu husi eskola Téknika ne'e atu hasai kapasidade intelektual estudante sira nian, no husu ba estudante aproveita oportunidade ne'ebé mak imi hetan, ho di'ak, no problema ne’ebé mak imi hasoru iha prosesu aprendizajen ne'e labele tauk no lakon esperansa hodi aprende”. Dehan Sua Exelénsia Sekretáriu Estadu ESJ-ESTV Sr. Domingos Lopes Lemos.
Governante ne’e husu ba manorin-nain tránsforma siénsia ba estudante, eduka estudante sira, no kapasita estudante sira hodi partisipa iha kompetisaun servisu merkadu nian.
Hafoin remata tiha serimónia ne'e Sua Exelénsia Sekretáriu Estadu ESJ-ESTV Sr. Domingos Lopes Lemos, hamutuk ho Ekipa hala'o vizita bá Eskola Katolika Santo Inaçio de Loyola Maubisse hodi fahe ekipamentus materiál Komputadór rua (2) Marka Lenovo ba eskola refere.
#MédiaME
Jornlista Erik
