Ermera,11-03-2025, Sua Exelénsia Sekretáriu Estadu ESJ-ESTV Sr. Domingos Lopes Lemos, akompaña hosi Diretór Nasionál Protokolu Sr. Olandino Godinho, Partisipa Serimónia komemorasaun loron padroeiru Eskola Eekundáriu Jerál Nino Konis Santana Gleno.
Iha intervensaun Sua Exelénsia Sekretáriu Estadu ESJ-ESTV Sr. Domingos Lopes Lemos hateten, loron ohin hamutuk iha fatin ne'e hodi komemora 11 Marco loron mate Saudozu Nino Konis Santana nia, hodi fo hanoin ba ita hotu liuliu Manorin na’in no estundante sira.
"Mahein Padroeiru Nino Konis Santana, halibur ita hotu iha loron Sanulu resin ida fulan Marco iha fatin ne'e, fó hanoin ba ita hotu liuliu Manorin nain sira papél importante iha eskola mak hanorin estudante sira hodi hasa'e kualidade edukasaun ne'e ba futuru ho diak”.
Governante ne'e reafirma tan, ba estudante sira atu prense ukun rasik-an ne'e, imi nia hakarak no planu ba futuru mak labele hein inan-aman no manorin nain haruka foin ba eskola, Edukasaun presiza matenek no aprende ho vontade rasik, tanba ne'e, nafatin fó hanoin ba ita hotu hanorin oan sira hodi mai eskola ho objetivu ida hodi garantia ba futuru ne'e ho di'ak.
Iha Serimónia ne'e partisipa maximu hosi Estudante sira, Comandante PNTL Munisípiu Ermera, Komandante F-FDTL Munisípiu Ermera, Veteranu/a Munisípiu Ermera.
#MédiaME
