Bobonaro, 27-07-2024
Sua exelénsia Sekretáriu Estadu ESJ-ESTV Sr. Domingos Lopes Lemos akompaña husi Diretór Jerál Sr. Deolindo da Cruz, Diretór Nasionál Ensinu Sekundáriu Jerál, Sr. Benjamin F. Da Cruz, Diretór Jerál SEFOPE Munisípiu Bobonaro Sr. Luis De Jesús Barreto, Diretór Eskola Téknika Agrikola Moleana hamutuk ho Profesór/a no estudante sira hotu partisipa iha serimónia koileta atividade produsaun Agrikola ba Programa Prova Aptidaun Profesionál(PAP) iha Eskola Téknika Agrikola Moleana Munisípiu Bobonaro.
Iha Intervensaun Exelénsia Sekretáriu Estadu ESJ-ESTV Sr.Domingos Lopes Lemos hateten, ohin mai iha fatin ida ne'e ho objetivu atu koileta estudante sira nia rejultadu husi prova aptidaun ne'ebé durante ne'e estudante sira halo, mai hodi observa direta produtu sira ne'e.
"ami haree no observa direta ba pekuaria animál ninian, ba iha transformasaun ne'ebé estudante sira halo hela produtu tahu tempe, paun, marmelade, no buat seluk tan, ikus liu mak mai iha hortikultura, ne'ebé agora dadudan ita haree sira nia produtu lubuk ne'ebé di'ak tebetebes", dehan Sua Exelénsia Sekretáriu Estadu ESJ-ESTV Sr.Domingos Lopes Lemos.
Sua Exelénsia hatutan tan, fó hanoin hela ba eskola Téknika Agrikola Moleana no Eskola Téknika Agrikola Natarbora Eskola rua ne'e ninia tratamentu la hanesan ho eskola sira seluk, tanba estudante hotu-hotu hela besik eskola, Governu fasilita estudante sira.
Iha fatin hanesan Diretóra Eskola Téknika Moleana Sr. Alfonso da Conceição husu governu atu bele aselera master plan ne'ebé governu kria ona atu nune'e bele realiza iha tinan ne'e, nune'e sira bele utiliza sasan sira ne'e ho di'ak tanba eskola ne'e aula balun at ona.
Hafoin halo observasaun ba eskola sira ne'e Sua Exelénsia Sekretáriu Estadu ESJ-ESTV ho ekipa ba koileta produtu hirak ne'ebé mak estudante sira halo durante ne'e.
#MédiaME.
