Dili, loron 26-07-2024
Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos partisipa Ezame Prova Aptidão Profissional (PAP), iha Eskola Sekundária Tékniku Vokasionál Industria no Teknolojia 28 de Novembru (ESTV_IT) Becora, kinta-feira ne’e.
Iha Diskursu Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr Domingos Lopes Lemos hateten, ezame PAP ida ne'e importante tebes nu'udar estudante iha eskola Tékniku sira presija iha prátika liuhusi ezame ne'ebé mak ohin loron halo ne'e hodi hasa'e koñesimentu estudante nian.
"Papél importante liu iha eskola Tékniku Vokasionál sira mak Tékniku sira atu nune'e ita halo komparasaun ho Nasaun seluk, no susesu ne'ebe mak estudante sira halo ne'e profesór sira nia kualidade hanorin", dehan Sua Exelénsia Sekretáriu Estadu ESJ-ESTV.
Partisipa iha Ezame Prova Aptidão Profissional (PAP) ne'e Sua Exelénsia Sekretáriu Estadu ESJ-ESTV, Diretór Edukasaun Munisípiu Dili, Dirijentes Ministériu Edukasaun, Profesór no Família sira.
#MédiaME
