RAEOA – Loron Domingu, 28 Jullu 2024
Governu Konstitusionál da-9 liuhusi Ministériu Edukasaun, Ministériu Solidaridade Sosiál no Inkluzaun, Ministériu Saúde, Vise-Ministra Asuntu ASEAN, Vise-Ministra Finansas hamutuk ho ekipa hala’o vizita ba Aldeia Lamasi, Suku Bene-Ufe, Sub-Rejiaun Nitibe iha Rejiaun Administrativa Espesiál Oe-Cusse Ambeno hodi fahe ai-han nesesidade bázika ba família vulneralvél sira nomós fó konsulta ba komunidade sira ne’ebé ho kondisaun moras.
Iha vizita ne’e, Sua Exelénsia Ministra Solidaridade Sosiál no Inkluzaun hateten, agradese tebes ba eroi sira ne’ebé sei moris no tuur iha fatin ne’e, respeita no hakru’uk tebes, tanba imi mak hakotu funu ne’e ho pregu iha loron 30 agostu tinan 1999.
“Agradese ba Maromak, tanba ohin ita hasoru malu iha fatin ne’e hadi hasoru apa sira balun tur iha kadeira roda no balun ne’ebé sei bele la’o, ami sei la fó buat boot ba imi, maibé husu ba maromak atu fó moris naruk no isin di’ak nafatin atu ita bele hasoru malu fila-fali iha futuru”, dehan MSSI.
#MédiaME
