Dili, loron 06/08/2024
Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos, partisipa Ezame Prova Aptidão Profissional (PAP), iha Eskola Sekundária Tékniku Vokasionál Industria grupu teknolojia industria (ESTV_GTI) Becora, kuarta-feira ne’e.
Iha diskursu Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr Domingos Lopes Lemos hateten, ezame PAP ida ne'e importante tebes nu'udar estudante iha eskola tékniku sira presija iha prátika liuhusi ezame ne'ebé mak ohin loron halo ne'e hodi hasa'e koñesimentu estudante nian.
Objetivu husi PAP ne’e atu prensia modul profesionál wanhira atu hakat ba exame nasional.
“Ohin ita nia oan sira hatudu rejultadu durante tinan tolu sira estuda iha ensinu sekundáriu tékniku vokasionál GTI Becora, mai ita ba inan aman no kuminidade sira, liu husi prosesu tinan naruk, ohin sira hatudu rejultadu antes sira atu remata iha eskola GTI Becora, no sira hatudu ona sira nia kapasidade hirak ne’ebé liu husi aprejentassun”
Partisipa iha Ezame Prova Aptidão Profissional (PAP) ne'e Sua Exelénsia Sekretáriu Estadu ESJ-ESTV, Diretór Edukasaun Munisípiu Dili, Dirijentes Ministériu Edukasaun, Profesór no Família sira.
#MédiaME
