Díli – loron Sábadu, 10 agustu 2024
Sua Exelénsia Ministra Edukasaun Dra. Dulce de Jesus Soares hamutuk ho Prezidente Repúblika Timor-Leste nian Dr. José Ramos-Horta no membru governu konstitusionál da-9 balun simu vizita estadu husi Prezidente Repúblika India, SMT. Droupadi Murmu durante loron rua (2) iha Timor-Leste hodi trasa roteiru kolaborasaun iha futuru.
Iha vizita Xefe Estadu India mai iha Timor-Leste, hodi hametin relasaun entre nasaun rua (2) liuhusi trasa roteiru ida ba kolaborasaun iha futuru liga ba setór krítiku sira hanesan, edukasaun, teknolojia, agrikultura, saúde, infrastrutura no defeza, liuliu akordu izensaun vistu pasaporte diplomátika no servisu nian inklui programa interkámbiu kulturál hodi hametin liután relasaun bilaterál sira.
Vizita ofisiál ne’e, hanesan vizita dahuluk Prezidente Repúblika India SMT. Doupadi Murmu mai iha Timor-Leste, hanesan parte ida husi ajenda Xefe Estadu India nian iha rejiaun Pasífiku.
#MédiaME
