Ermera - Kinta-feira, 20-02-2025
Sua Exelénsia Sekretáriu Estadu ESJ-ESTV Sr. Domingos Lopes Lemos, hamutuk ho Diretór Jerál Ensinu Sekundáriu Sr. Deolindo da cruz, Diretór Nasionál ESTV Sr. Fernando Moujinho Gama, halo lansamentu kursu foun ba plantasaun kafé iha eskola ESTV Guisarudu Hatulia B, Ermera.
Iha intervensaun Sua Exelénsia Sekretáriu Estadu hateten, loron ohin mai iha fatin ne’e ho hanoin ida, ita hotu atu proteje kafé Ermera ne’ebé maka, uluk avó sira proteje hela ne’e.
"Tanbá ne’e hanoin no halo mudansa ba kursu departamentu sira ne’ebé maka iha Eskola Téknika Vokasionál, atu hasa'e kualidade tékniku hodi garantia ba futuru” dehan Exelénsia Sekretáriu Estadu ESJ-ESTV.
Governante ne’e, husu ba autoridade lokál suku lima (5) iha Postu Administrativu Hatulia B nafatin apoiu, estudante hodi fó fatin ba sira, prátika kuda kafé, nune’e kafé labele lakon.
Iha ativadade ne'e hetan partisipa másimu husi Sua Exelénsia Sekretáriu Estadu ESJ-ESTV, Diretór Servisu Edukasaun Munisípiu Ermera, Magnifiku Reitor ETCI, Autoridade lokál, Komandante polísia Postu, Estudante no inan-Aman sira.
#MédiaME.
