Lospalos, 7 Agostu 2026 — Sekretáriu Estadu Ensinu Sekundáriu Jerál no Ensinu Tékniku-Vokasionál (ESJ-ESTV), Sr. Domingos Lopes Lemos, hala’o vizita kortezia ba Eskola Ensinu Sekundáriu Jerál Nino Konis Santana, Lospalos, atu haree no komprende diretamente kondisaun infraestrutura, ambiente eskolar no dezafiu sira ne’ebé manorin no estudante sira hasoru iha prosesu ensinu no aprendizajen.
Iha vizita ne’e, Sekretáriu Estadu ESJ-ESTV akompaña husi Diretór-Jerál Ensinu Sekundáriu, Sr. Deolindo da Cruz, no Diretór Nasionál Ensinu Sekundáriu Jerál, Sr. Benjamin Fernandes.
Iha entrevista ho média, Sr. Domingos Lopes Lemos hateten katak vizita ne’e iha objetivu prinsipál atu haree diretamente realidade no kondisaun Eskola Sekundária Jerál Nino Konis Santana, inklui dezafiu sira ne’ebé dirijente eskola, manorin no estudante sira hasoru durante prosesu ensinu no aprendizajen.
“Objetivu husi vizita ohin loron mak atu haree diretamente kondisaun eskola no komprende dezafiu sira ne’ebé manorin no estudante sira hasoru iha prosesu ensinu no aprendizajen,” hateten Sekretáriu Estadu.
Nia hateten katak Ministériu Edukasaun, liuhosi Gabinete Sekretáriu Estadu ESJ-ESTV, kontinua tau prioridade ba dezenvolvimentu ensinu sekundáriu jerál no ensinu tékniku-vokasionál, liuliu iha aspetu tékniku no kualidade aprendizajen, atu prepara estudante sira ho kompeténsia ne’ebé adekuadu ba sira-nia futuru.
Iha oportunidade ne’ebé hanesan, Sekretáriu Estadu mós fó motivasaun ba dirijente no manorin sira iha eskola atu kontinua hala’o sira-nia knaar ho responsabilidade, dedikasaun no integridade, no sai ezemplu di’ak ba estudante sira.
Nia enfatiza katak edukasaun la’ós de’it kona-ba koñesimentu akadémiku, maibé mós kona-ba formasaun karater no valór sira, atu estudante sira sai sidadaun di’ak, responsável no iha kapasidade atu kontribui ba dezenvolvimentu sira-nia munisípiu, liuliu Lospalos, no Timor-Leste tomak.
Sekretáriu Estadu husu ba komunidade eskolár atu hamutuk hametin espíritu servisu no kolaborasaun, tanba kualidade edukasaun depende mós ba kompromisu no responsabilidade husi parte hotu.
[PORTU]
SECRETÁRIO DE ESTADO DO ESJ-ESTV REALIZA VISITA DE CORTESIA À ESCOLA SECUNDÁRIA GERAL NINO KONIS SANTANA, EM LOSPALOS
Lospalos, 7 de agosto de 2026 — O Secretário de Estado do Ensino Secundário Geral e do Ensino Técnico-Vocacional (ESJ-ESTV), Sr. Domingos Lopes Lemos, realizou uma visita de cortesia à Escola do Ensino Secundário Geral Nino Konis Santana, em Lospalos, com o objetivo de conhecer e avaliar diretamente as condições das infraestruturas, o ambiente escolar e os principais desafios enfrentados pelos professores e alunos no processo de ensino e aprendizagem.
Durante a visita, o Secretário de Estado foi acompanhado pelo Diretor-Geral do Ensino Secundário, Sr. Deolindo da Cruz, e pelo Diretor Nacional do Ensino Secundário Geral, Sr. Benjamin Fernandes.
Em declarações à comunicação social, Sua Excelência Sr. Domingos Lopes Lemos explicou que a visita teve como principal objetivo observar diretamente a realidade e as condições da Escola Secundária Geral Nino Konis Santana, bem como compreender os desafios enfrentados pela direção da escola, pelos professores e pelos alunos no desenvolvimento das atividades de ensino e aprendizagem.
“O objetivo da visita de hoje é observar diretamente as condições da escola e compreender os desafios que os professores e alunos enfrentam no processo de ensino e aprendizagem”, afirmou o Secretário de Estado.
O governante salientou que o Ministério da Educação, através do Gabinete do Secretário de Estado do ESJ-ESTV, continuará a atribuir prioridade ao desenvolvimento do ensino secundário geral e do ensino técnico-vocacional, com particular atenção aos aspetos técnicos e à qualidade da aprendizagem, de modo a preparar os alunos com competências adequadas para o seu futuro.
Na mesma ocasião, o Secretário de Estado deixou uma mensagem de motivação à direção e aos professores da escola, apelando à continuidade do exercício das suas funções com responsabilidade, dedicação e integridade, assumindo-se como bons exemplos para os alunos.
O governante enfatizou ainda que a educação não se limita à aquisição de conhecimentos académicos, abrangendo igualmente a formação do caráter e a promoção de valores, de modo a preparar os alunos para se tornarem cidadãos responsáveis, íntegros e capazes de contribuir para o desenvolvimento do seu município, em particular Lospalos, e de Timor-Leste em geral.
Por fim, o Secretário de Estado apelou à comunidade escolar para reforçar o espírito de serviço, cooperação e colaboração, sublinhando que a qualidade da educação depende também do compromisso e da responsabilidade de todos os intervenientes.
#MédiaME
