BAUCAU, 6 Agostu 2026 – Dirijente Ministériu Edukasaun hamutuk ho Prezidente Institutu Nasionál Formasaun Dosente no Profisionál Edukasaun (INFORDEPE), Domingos Martins, no Sub-Inspetór Jerál Ministériu Edukasaun, Rodolfo Henrique, akompaña diretamente prátika no simulasaun ensinu ne’ebé hala’o husi formandu sira iha ámbitu formasaun reforma kurríkulu klase 8 Ensinu Báziku Faze III, iha Escola Ensinu Báziku Sentrál Vila Nova, Baucau.
Atividade ne’e envolve formadór nasionál no lokál, no foka ba dixiplina Matemátika, Saúde no Bem-Estar, no Edukasaun Fízika no Desportu, ho objetivu atu prepara manorin sira hodi implementa métodu ensinu foun ne’ebé tau estudante sira nu’udar sentru iha prosesu aprendizajen.
Prezidente INFORDEPE, Domingos Martins, hatete katak observasaun direta ne’e importante atu haree mudansa mentalidade iha prosesu ensinu, liuliu kona-ba mudansa papél manorin husi transmisór matéria ba orientadór no akompañadór estudante sira, ho uza metodolojia ne’ebé adapta ba kontestu no nesesidade aprendizajen.
Nia mós salienta katak reforma kurríkulu ne’e introdús metodolojia foun atu responde ba dezenvolvimentu no dezafiu globál iha sékulu XXI, liuliu iha era globalizasaun no dijitalizasaun.
Iha observasaun ba prátika simulasaun, Domingos Martins haree katak estudante sira komesa envolve an ho másimu liuhusi diskusaun grupu, atividade individuál no atividade iha pares, ne’ebé bele enkoraja sira atu sai ativu no independente iha prosesu aprendizajen.
Enkuantu ne’e, Sub-Inspetór Jerál Ministériu Edukasaun, Rodolfo Henrique, konsidera prátika simulasaun ne’e hanesan atividade ne’ebé interesante, tanba permite haree diretamente inisiativa, kapasidade hanoin no preparasaun manorin sira husi postu administrativu sira atu implementa reforma kurríkulu sékulu XXI.
Nia hatete katak prátika ne’ebé hala’o iha formasaun ne’e hatudu diferensa pozitiva iha kualidade formadór no manorin sira, inklui sira-nia kapasidade atu servisu hamutuk no komprende objetivu no vizaun reforma kurríkulu nian.
Rodolfo Henrique mós salienta katak objetivu prinsipál reforma kurríkulu mak atu implementa ho di’ak iha eskola sira, no esforsu Ministériu Edukasaun, liuhusi INFORDEPE, atu haforsa kapasidade manorin klase 8 ho formasaun ne’ebé kualifikadu no ho kualidade, sei fó impaktu pozitivu ba estudante sira no hadi’a prosesu ensinu no aprendizajen iha Timor-Leste.
[PORTU]
DIRIGENTES DO MINISTÉRIO DA EDUCAÇÃO ACOMPANHAM SIMULAÇÃO DA REFORMA CURRICULAR EM BAUCAU
Baucau, 6 de agosto de 2026 – Dirigentes do Ministério da Educação, acompanhados pelo Presidente do Instituto Nacional de Formação Docente e Profissional da Educação (INFORDEPE), Domingos Martins, e pelo Subinspetor-Geral do Ministério da Educação, Rodolfo Henrique, acompanharam diretamente as atividades práticas e as simulações de ensino realizadas pelos formandos no âmbito da formação sobre a reforma curricular do 8.º ano do III Ciclo do Ensino Básico, na Escola do Ensino Básico Central de Vila Nova, em Baucau.
A atividade contou com a participação de formadores nacionais e locais e incidiu nas disciplinas de Matemática, Saúde e Bem-Estar, e Educação Física e Desporto. A formação tem como objetivo preparar os professores para a implementação de novas metodologias de ensino, colocando os alunos no centro do processo de aprendizagem.
O Presidente do INFORDEPE, Domingos Martins, salientou a importância da observação direta das práticas pedagógicas, sobretudo para avaliar a mudança de mentalidade no processo de ensino, nomeadamente a transformação do papel do professor, que deixa de ser apenas transmissor de conhecimentos para assumir uma função de orientador e facilitador da aprendizagem dos alunos.
Segundo Domingos Martins, a reforma curricular introduz novas metodologias pedagógicas capazes de responder às exigências do desenvolvimento e aos desafios globais do século XXI, particularmente num contexto marcado pela globalização e pela transformação digital.
Durante a observação das simulações, Domingos Martins constatou uma participação mais ativa dos alunos, através de discussões em grupo, atividades individuais e trabalhos em pares. Estas metodologias contribuem para estimular a autonomia, a participação e o envolvimento dos alunos no processo de aprendizagem.
Por sua vez, o Subinspetor-Geral do Ministério da Educação, Rodolfo Henrique, considerou a prática de simulação uma atividade relevante e interessante, por permitir observar diretamente a iniciativa, a capacidade de reflexão e o nível de preparação dos professores provenientes de diferentes postos administrativos para a implementação da reforma curricular orientada para as competências do século XXI.
Rodolfo Henrique destacou igualmente que as práticas desenvolvidas durante a formação demonstram uma evolução positiva na qualidade dos formadores e professores, nomeadamente na sua capacidade de trabalhar em equipa e de compreender os objetivos e a visão da reforma curricular.
O Subinspetor-Geral reforçou ainda que o principal objetivo da reforma curricular é assegurar uma implementação eficaz nas escolas. Neste sentido, os esforços desenvolvidos pelo Ministério da Educação, através do INFORDEPE, para reforçar as competências dos professores do 8.º ano, mediante uma formação qualificada e de qualidade, deverão contribuir para produzir impactos positivos na aprendizagem dos alunos e para melhorar, de forma contínua, os processos de ensino e aprendizagem em Timor-Leste.
#MédiaME #LuciaAlves
