Covalima, 7 Agostu 2026 — Ministériu Edukasaun (ME), liuhosi Institutu Nasionál Formasaun Dosente no Profisionál Edukasaun (INFORDEPE), iha kolaborasaun ho Organizasaun Nasoens Unidas ba Edukasaun, Siénsia no Kultura (UNESCO), kontinua implementa reforma kurrikulár Faze III ba Ensinu Báziku Siklu III, klase 8, liuhosi programa formasaun no prátika aprendizajen ne’ebé fó énfaze ba estratéjia no metodolojia ensinu atualizada, ho abordajen sentradu ba estudante.
Implementasaun reforma kurrikulár ne’e iha objetivu atu hametin kapasidade manorin sira iha aplikasaun métodu ensinu foun, ne’ebé bele estimula partisipasaun ativu estudante sira no dezenvolve kompeténsia sira ne’ebé presiza iha Sékulu XXI, inklui kapasidade investigasaun, pensamentu krítiku, komunikasaun, kolaborasaun no kriatividade.
Iha formasaun ne’e, partisipante sira fó atensaun ba dixiplina tolu, mak Língua Ingleza, Siénsia Naturál, no Arte no Kultura. Kontéudu formasaun aborda estratéjia no metodolojia aprendizajen ne’ebé fó oportunidade ba estudante sira atu aprende liuhosi prátika, investigasaun no partisipasaun direta iha prosesu aprendizajen.
Formadór husi UNESCO ba dixiplina Siénsia Naturál, Cristiano Elo, esplika katak reforma kurrikulár foun la’ós de’it muda konteúdu aprendizajen, maibé mós orienta ba dezenvolvimentu kompeténsia Sékulu XXI nian, atu estudante sira iha kapasidade no preparasaun ne’ebé adekuada ba futuru.
“Konteúdu formasaun ne’e liga ho reforma kurríkulu no kompeténsia Sékulu XXI, liuliu investigasaun, pensamentu krítiku, komunikasaun, kolaborasaun no kriatividade, hodi dezenvolve kapasidade estudante sira ba futuru,” dehan Cristiano Elo.
Entretantu, Diretora Edukasaun Munisípiu Covalima, Elda de Fátima, enfatiza katak implementasaun kurríkulu foun iha papél importante atu prepara estudante sira ba futuru. Tanba ne’e, nia subliña nesesidade atu manorin sira kontinua hasa’e sira-nia koñesimentu, kapasidade no dedikasaun iha prosesu ensinu.
“Liuhosi kurríkulu foun ida-ne’e, ita presiza prepara futuru ba ita-nia oan sira iha Covalima. Ha’u hakarak manorin sira hanorin ho dedikasaun, responsabilidade no estratéjia ne’ebé di’ak, hodi fó matenek no dezenvolve kapasidade estudante sira nian,” nia dehan.
Atividade formasaun ne’e hala’o iha Escola Básica Central (EBC) Sândalo, Covalima, no partisipa husi Diretora Edukasaun Munisípiu Covalima, Koordenadór Eskola, Koordenadór Nasionál, estudante na’in-112, formandu na’in-73 no formadór na’in-9, ne’ebé kompostu husi formadór nasionál no munisipál.
Programa formasaun reforma kurrikulár Faze III ne’e sai parte husi esforsu Ministériu Edukasaun atu hametin kualidade ensinu no aprendizajen iha Ensinu Báziku, liuhosi preparasaun manorin sira atu implementa kurríkulu foun ho métodu ne’ebé inovativu, partisipativu no sentradu ba estudante.
[PORTU]
MINISTÉRIO DA EDUCAÇÃO PROSSEGUE FORMAÇÃO SOBRE A REFORMA CURRICULAR DA FASE III DO III CICLO DO ENSINO BÁSICO EM COVALIMA
Covalima, 7 de agosto de 2026 — O Ministério da Educação (ME), através do Instituto Nacional de Formação Docente e Profissional da Educação (INFORDEPE), em colaboração com a Organização das Nações Unidas para a Educação, a Ciência e a Cultura (UNESCO), prossegue a implementação da Reforma Curricular da Fase III do III Ciclo do Ensino Básico, correspondente ao 8.º ano de escolaridade, através de um programa de formação e práticas de aprendizagem centrado em estratégias e metodologias de ensino atualizadas e numa abordagem centrada no aluno.
A implementação desta reforma curricular tem como objetivo reforçar as capacidades dos professores na aplicação de novas metodologias de ensino, capazes de estimular a participação ativa dos alunos e desenvolver as competências necessárias para o século XXI, incluindo a capacidade de investigação, o pensamento crítico, a comunicação, a colaboração e a criatividade.
A formação incide sobre três disciplinas: Língua Inglesa, Ciências Naturais e Arte e Cultura. Os conteúdos abordados incluem estratégias e metodologias de aprendizagem que proporcionam aos alunos oportunidades para aprender através da prática, da investigação e da participação direta no processo de aprendizagem.
O formador da UNESCO na área de Ciências Naturais, Cristiano Elo, explicou que a nova reforma curricular não se limita à alteração dos conteúdos de aprendizagem, mas está igualmente orientada para o desenvolvimento das competências do século XXI, de modo a garantir que os alunos adquiram capacidades e preparação adequadas para o futuro.
“Os conteúdos desta formação estão relacionados com a reforma curricular e com as competências do século XXI, nomeadamente a investigação, o pensamento crítico, a comunicação, a colaboração e a criatividade, com vista ao desenvolvimento das capacidades dos alunos para o futuro”, afirmou Cristiano Elo.
Por sua vez, a Diretora da Educação do Município de Covalima, Elda de Fátima, destacou a importância da implementação do novo currículo na preparação dos alunos para o futuro. Nesse sentido, sublinhou a necessidade de os professores continuarem a reforçar os seus conhecimentos, competências e dedicação ao processo de ensino.
“Através deste novo currículo, precisamos de preparar o futuro dos nossos filhos em Covalima. Quero que os professores ensinem com dedicação, responsabilidade e boas estratégias, de modo a transmitir conhecimentos e desenvolver as capacidades dos nossos alunos”, afirmou.
A atividade de formação decorreu na Escola Básica Central (EBC) Sândalo, em Covalima, e contou com a participação da Diretora da Educação do Município de Covalima, coordenadores escolares, coordenadores nacionais, 112 alunos, 73 formandos e nove formadores, entre formadores nacionais e municipais.
O programa de formação sobre a Reforma Curricular da Fase III integra os esforços do Ministério da Educação para reforçar a qualidade do ensino e da aprendizagem no Ensino Básico, através da preparação dos professores para a implementação do novo currículo, com recurso a metodologias inovadoras, participativas e centradas no aluno.
#MédiaME #Abel_Jolino
