Dili – Tersa-feira, 28/01/2025
Parseiru dezenvolvimentu Marry Mackillop Today (MMT) entrega Materiais Edtech (Educational Technology) ba Diretór Nasionál Edukasaun Pre-eskolár, no asina mós termu de entrega iha Eskola Pré-Eskolár Caridade, Quintal-ki’ik no ao mesmo tempu Diretór EPE entrega kedas materiais hirák ne’e ba iha Koordenadora EPE Caridade no asina kedas termu de entrega.
Materias sira ne’e sei ajuda no fasilita labarik sira aprende durante Manorin sira hanorin iha klasse laran.
Karik aplikasaun ne’e mak nafatin hetan vantajen diak no hetan partisipasaun máximu husi labarik sira iha Pré-Eskolar ba futuru aplikasaun ne’e rasik sei implementa iha Pré-eskolar hotu iha territoriu laran.
EdTech (Educational Technology) hanesan aplikasaun edukasionál ne’ebé fasilita manorin Pré-Eskolar sira atu hanorin liu husi teknolojia tanba aplikasaun ne’e rasik halo no foti 30% husi planu sessaun (periodu 1-10%, periodu 2-10% no periodu 3-10%). Aplikasaun ne’e kria husi MMT (Mary Mackillop Today) ne’ebé ho nia objetivu atu hasa’e kresimentu labarik sira nian iha area Pré-Eskolár.
#MédiaME
