Dili – Loron Tersa-Feira, 28 Janeiru 2025
Sua Exelénsia Ministra Edukasaun Dra. Dulce de Jesus Soares, hamutuk ho reprezentante husi UNILEVER no Pixelasia, hodi halo inagurasaun ba tanke bee nian hodi halo kontinuasaun ba selebrasaun loron mundiál fase liman ho sabaun, iha Eskola EBF Fomentu II, Comoro.
Iha entrevista, Sua Exelénsia Ministra Edukasaun Dra. Dulce de Jesus Soares, hateten, programa ida ne’e importante tebe-tebes, tanba eskola sir abele hahú fila-fali ho programa fase liman, mesmu iha eskola barak problema bee la iha, tanba sira iha konsesoens eskolares, tanba ne’e Ministériu Edukasaun husu atu eskola sira kontinua organiza-an hodi hatoman estudante sira fase liman ho sabaun.
“Husu ba estudante sira atu uza fasilidade ida ne’e ho di’ak, no uza hodi kontinua fase liman antes han”, dehan S.E. Mnistra Edukasaun.
Governante ne’e agradese tebes ba Koordenadora Eskola EBF Fomentu II ne’ebé mak organiza eskola ida ne’e ho di’ak tebe-tebes, tanba iha areadores eskola ne’e mós, iha jardin eskolár, kuda mós ai-horis sira hanesan, ai-ata, goiava, tanba jardin eskolár ne’e iha kurríkulu ensinu báziku, maibé eskola barak iha razaun oinoin hodi la prátika jardin eskolár.
Governante ne’e agradese mós ba UNILEVER no Pixelasia, tanba organizasaun sira ne’e labaruk hodi kontinua sai parseiru Ministériu Edukasaun hodi lori nafatin programa sira ne’e ba eskola.
#MédiaME
