Díli, loron 22 novembru 2025
Ministériu Edukasaun liuhusi Inspesaun Jerâl Edukasaun (IGE Sigla Portugés) halo observasaun ba atividade kulinária kulturál ne'ebé hala'o husi estudante sira iha eskola Ensinu Báziku Filiál 1 no 2 Siklu Camea Raihún, Kuluhún, Duque de Caixias no Becusse de Baixo iha Munisípiu Dili.
Hafoin halo observasaun ba atividade kulinária kulturál ne'e, Inspetór Eskolár Sr. Amorin Ferreira hateten, atividade prátika kulinária ne'e hola parte iha Dixiplina Arte e Kultura no partisipante iha atividade Prátika kulinária ne'e maka estudante sira no husi klase 4⁰ to'o 6⁰.
" Objetivu husi atividade kulinária kulturál ne’e, estudante sira bele koñese ai-han produtu lokal oin-oin iha rai laran rasik tanba produtu lokál mós nu'udar identidade ai-han Timor nian no orijinál ne'ebé la kontamina ho kímiku", Tenik Inspetór ne'e.
Inspetór Eskolár ne'e esplika, benefisiu husi atividade ne'e, bele hasa'e ka aumenta liután koñesimentu estudante sira nian kona- ba prátika kulinária ne’e rasik no bele transforma produtu lokál sai ai-han ne'ebé furak ho nutrisaun di'ak.
Nune'e atividade kulinaria kulturál ne'e bele ajuda estudante sira atu dezenvolve ka hamosu liután ideia foun, kreativu, abilidade iha prosesu prepara ai-han produtu lokál iha sira ida-idak nia uma.
[PORTU]
MINISTÉRIO DA EDUCAÇÃO ACOMPANHA ACTIVIDADE CULINÁRIA CULTURAL EM ESCOLAS DE DÍLI
Díli, 22 de novembro de 2025 — O Ministério da Educação, através da Inspeção-Geral da Educação (IGE), realizou uma observação às actividades de culinária cultural promovidas por estudantes das escolas do Ensino Básico Filial dos 1.º e 2.º Ciclos de Camea Raihun, Kuluhun, Duque de Caixas e Becusse de Baixo, no Município de Díli.
Após a visita, o inspetor escolar Amorin Ferreira explicou que esta actividade prática integra a disciplina de Arte e Cultura, envolvendo alunos do 4.º ao 6.º ano.
“O objectivo desta actividade de culinária cultural é permitir que os alunos conheçam os diferentes produtos alimentares locais existentes no nosso país, valorizando-os como parte da identidade gastronómica timorense e realçando o seu carácter natural, não contaminado por químicos”, sublinhou o inspetor.
Amorin Ferreira adiantou ainda que actividades deste género contribuem para reforçar o conhecimento dos estudantes sobre práticas culinárias, ao mesmo tempo que demonstram como os produtos locais podem ser transformados em refeições saborosas e nutritivas.
A actividade culinária cultural incentiva também a criatividade, o pensamento inovador e o desenvolvimento de competências práticas na preparação de pratos tradicionais, que os alunos poderão reproduzir nas suas próprias casas.
#JornalistaEliasdaCosta
#MédiaME
