Díli, 23 Outubru 2025
Sua Exelénsia Ministra Edukasaun, Dra. Dulce de Jesus Soares, hala’o enkontru kortezia ho Embaixadór Portugal mai Timor-Leste, Dr. Duarte Bué Alves, hodi ko’alia kona-ba servisu sira ne’ebé mak Ministériu Edukasaun ho Embaixada Portugal halo liuhusi kooperasaun.
Ohin halo enkontru kortejia ho Embaixadór Portugal mai Timor-Leste hodi ko’alia kona-ba servisu sira ne’ebé mak iha kooperasaun entre Ministériu Edukasaun ho Embaixada Portugal, liuhusi Eskola CAFE, projetu Pro-Portugés hodi halo formasaun ba manorin sira, no ohin enkontru ne’e atu haree filafali hodi halo avaliasaun ba projetu rua ne’e.
“Ita sei kontinua nafatin kooperasaun ida ne’e, atu profesór protuges sira atu bele reforsa nafatin profesór timoroan sira ne’ebé mak agora hanorin iha eskola CAFE, ne’ebé la’os de’it iha lian portugés, maibé importante tebes mak sira bele servisu hamutuk iha matéria sira seluk hodi bele hasa’e liután koñesimentu iha prosesu aprendizajen”, dehan S. E. Ministra Edukasaun.
Governante ne’e, hatutan, iha kooperasaun ne’e parte importante mak formasaun ba manorin sira ne’ebé mak Ministériu Edukasaun halo investimentu boot iha lian portugés, tanba ne’e ba manorin sira mós tenki haka’as-an hodi aprende no uza lian portugés, liuliu hanorin iha 70 anu to’o 120 anu, nune’e estudante sira mós bele aprende lian portugés ho di’ak liután.
#MédiaME
