Dilí – 04 Agustu 2025, Ministériu Edukasaun liuhosi Diretora Jerál Planu Politika Inkluzaun no Informátika, Sra. Odilia das Dores Ung Martins, Asina Akordu ho Prezidente RTTL.E.P, Sr. Elizeu Isaac Fernandes, hodi bele tulun Ministéru Edukasaun ba publikasaun Programa Tele-Eskola, hodi fó sai ba Públiku liuhosi Kanál RTTL.E.P.
Iha intervista, Diretora Jerál Planu Politika Inkluzaun no Informátika, Sra. Odilia das Dores Ung Martins, hateten presija renova fila fali tanba mekaduka ona iha tinan ida ne’e iha fulan marsu, entaun presija hadia fila fali atu bele extende tan koperasaun ida ne’e ho media públika hanesan RTTL.E.P hodi bele tulun ministériu edukasaun ba publikasaun sira ne’ebé ligadu ho programa Tele-Jornal iha programa Tele-Eskola ne’ebé maka fó sai ba públiku liuhosi Kanál RTTL.E.P ninian.
“Iha Programa Tele-Eskola ne’ebé mak fo sai ba públiku liuhosi Kanál RTTL.E.P durante ne’e la’o hela, ita foka ba prossesu aprendizajen sira, ligadu ho kurrikulu nasionál ne’ebé ita iha, prosesu ida ne’e maka liuhosi média Ministériu Edukasaun halo gravasaun ba programa Tele-Eskola, ita hanoin katak presiza públika iha Média públiku ida, atu nune’e Manorin sira no Estudante Sira bele Asesu.” Dehan Dra. DGPPII, Ministeriu Edukasaun.
Entertantu, Prezidente RTTL.E.P Sr. Elizeu Isaac Fernandes, Informa katak Hanesan Televizaun Públiku ida, prontu atu nafatin servisu ho ministériu edukasaun, liuliu atu destrimina infromasaun sira, kona-ba edukasaun ninian hosi area rurál ne’ebé mak progresu la’o makas maibé públiku nafatin kestiona ho sira nia pensamentu ho sira ninia pontu de Vista. Tanba ne’e RTTL.E.P hanesan Televizaun Estadu ida iha nia dever atu oinsá bele servisu hamutuk ho ministéri hotu, liuliu minstériu ne’ebé mak servisu makas liu iha Baze.
“ha’u Hakarak hato’o ba Públiku katak RTTL.E.P hanesan Televizaun Públiku ida, iha dever atu públika ka fó informasaun sira relasiona ho ita nia Estadu, estadu ne’ebé existe iha Timor-Leste, RTTL.E.P iha kometmentu atu apoiu, iha IX ida ne’e RTTL.E.P kontinua Servisu hamutuk ho Ministériu Edukasaun hodi bele desimina informasaun relasiona ho progresu servisu lubuk ida ne’ebé la’o hela iha 12 munisípiu inklui Raeoa. Progresu sira ne’ebé mak Ministériu Edukasaun iha ha’u hanoin katak públiku asiste hela, atu bele komitemntu nafatin no sempre desimina nafatin parte pozitivu sira husi Ministériu Edukasaun nia Progresu.” Dehan Prezidente RTTL.E.P.
Asina Akordu ida-ne’e Akompaña hosi Diretór Diresaun Nasionól Sistema Informátika no Teknolojia, Sr. Jónio Guterres Rosario no Xefe Departamentu Geonista Engracia Maria Cabral inklui Xefe Departamentu Televizaun, Sr. Leonardo de Araujo, no Prezidente RTTL.E.P, Diretór Ezukutivu, Diretór Informasaun, Diretora Finansas ho ekipa Protokolu.
