Dili, Kuarta-feira, 13 Jullu 2025, Ministériu Edukasaun liu-husi Diretora Jerál planu, polítika, Inkluzaun no informátika (DJ-PPII), Sra. Odilia das Dores Ung Martins, Diretór Jerál Edukasaun Pré-Eskolár, Ensinu Báziku no Ensinu Rekorente Sr. Apolinario Serpa Rosa hamutuk ho parseiru dezenvolvimentu sira halo abertura kona-ba Enkontru Periódiku Grupu Traballu Jéneru ba Edukasaun, iha Salaun Dare Room PHD.
Tuir Diretora Jerál planu, polítika, Inkluzaun no informátika (DJ-PPII), Sra. Odilia das Dores Ung Martins hateten, Ministériu Edukasaun hakarak konvida parseiru dezenvolvimentu sira ne'ebé hola parte iha grupu traballu jéneru iha edukasaun hodi mai aprezenta rezultadu, hosi implementasaun programa abordajen integradu jéneru iha edukasaun inklui formasaun kona-ba literasia, númerasia no oinsá atu halo prevensaun ba Violénsia Bazeia Ba Jéneru (VBJ), iha eskola ensinu báziku sira.
“Grupu traballu jéneru iha edukasaun nu'udar forum ida ne'ebé involve parte interesadu sira, no parseiru dezenvolvimentu sira ne'ebé servisu hamutuk ho ministériu edukasaun nian liuhosi akordu kooperasaun hodi tau hanoin hamutuk ho meius oioin hodi halo prevensaun ba violénsia bazeia ba jéneru (VBJ), no promove igualdade jéneru iha edukasaun liuliu iha eskola sira”. Dehan Diretora Jerál PPII.
Diretora ne'e, salienta objetivu prinsipál hosi enkontru grupu traballu ida-nee mak atu fó espasu ba membru sira hodi aprezenta ka halo intervensaun kona-ba progresu no dezafiu ne'ebé durante sira hasoru iha terrenu. Iha implementasaun programa aprendizajen iha eskola nomós atividade prevensaun violénsia bazeia ba jéneru (VBJ).
Abertura ida-nee, hosi parte Ministériu Edukasaun nian mak sai nu'udar koordenadór ba grupu traballu ida-nee, no partisipa hosi membru grupu traballu tékniku jéneru iha edukasaun nian hanesan, Partnership For Human Development-PHD, INDICA-IP, Child Fund, Fundasaun Alola, Plan International, Raes Hadomi Timor Oan, Mane Ho Vizaun Foun- MHVF, Rede Feto, Movimentu Feto Foin-sa’e- MOFFE-TL, Un Women, UNICEF No Uma Mahon.
#Jornalistasiga
#MÉDIA-ME
