𝐃í𝐥𝐢, 𝐊𝐮𝐚𝐫𝐭𝐚-𝐟𝐞𝐢𝐫𝐚, 𝟏𝟑 𝐀𝐠𝐨𝐬𝐭𝐮 𝟐𝟎𝟐𝟓 - 𝐌𝐢𝐧𝐢𝐬𝐭é𝐫𝐢𝐮 𝐄𝐝𝐮𝐤𝐚𝐬𝐚𝐮𝐧, 𝐥𝐢𝐮𝐡𝐨𝐬𝐢 𝐃𝐢𝐫𝐞𝐭ó𝐫 𝐉𝐞𝐫á𝐥 𝐄𝐧𝐬𝐢𝐧𝐮 𝐒𝐞𝐤𝐮𝐧𝐝á𝐫𝐢𝐮 (𝐃𝐉𝐄𝐒), 𝐒𝐫. 𝐃𝐞𝐨𝐥𝐢𝐧𝐝𝐨 𝐝𝐚 𝐂𝐫𝐮𝐳, 𝐩𝐚𝐫𝐭𝐢𝐬𝐢𝐩𝐚 𝐢𝐡𝐚 𝐚𝐛𝐞𝐫𝐭𝐮𝐫𝐚 𝐩𝐫𝐨𝐠𝐫𝐚𝐦𝐚 𝐏𝐚𝐫𝐥𝐚𝐦𝐞𝐧𝐭𝐮 𝐅𝐨𝐢𝐧-𝐬𝐚’𝐞 𝐛𝐚 𝐝𝐚𝐥𝐚-𝐡𝐚𝐚𝐭 𝐡𝐨 𝐭𝐞𝐦𝐚 “𝐀𝐩𝐫𝐞𝐧𝐝𝐢𝐳𝐚𝐠𝐞𝐦 𝐞 𝐮𝐬𝐨 𝐝𝐚 𝐥í𝐧𝐠𝐮𝐚 𝐩𝐨𝐫𝐭𝐮𝐠𝐮𝐞𝐬𝐚 𝐞𝐦 𝐓𝐢𝐦𝐨𝐫-𝐋𝐞𝐬𝐭𝐞: 𝐚𝐯𝐚𝐧ç𝐨𝐬 𝐞 𝐝𝐞𝐬𝐚𝐟𝐢𝐨𝐬", 𝐧𝐞'𝐞𝐛é 𝐫𝐞𝐚𝐥𝐢𝐳𝐚 𝐢𝐡𝐚 𝐏𝐚𝐫𝐥𝐚𝐦𝐞𝐧𝐭𝐮 𝐍𝐚𝐬𝐢𝐨𝐧á𝐥.

Iha diskursu abertura nian, Sr. Deolindo da Cruz hateten ba estudante sira katak sira-nia partisipasaun iha debate kona-ba lian Portugés importante tebes hodi hametin identidade nasionál no hadi'a polítika edukasionál sira.

Nia subliña katak lian Portugés presiza promove ho sensibilidade, tanba aprendizajen efetivu akontese bainhira estudante sira iha motivasaun no kontestu ne'ebé hatudu sentidu.
Hafoin serimónia abertura, DGES Deolindo da Cruz simbólikamente entrega lista deputadu estudante sira ba Parlamentu Nasionál. Tuirmai, ekipa téknika sira kontinua ho sesaun esklaresimentu kona-ba matéria espesífika sira, hanesan regra no espresaun ne'ebé utiliza iha debate, no prosedimentu diskusaun no votasaun iha plenária.

Programa ne'e organiza hosi Sekretariadu Jerál Parlamentu Nasionál no sei hala'o hosi loron 13 to'o 15 Agostu 2025. Partisipa iha programa ne'e estudante na'in 42, kompostu husi mane na'in-16 no feto na'in 26. Sira mai husi Ensinu Sekundáriu Jerál no Tékniku Vokasionál hosi munisípiu 13 inklui Rejiaun Administrativa Espesiál Oe-Cusse-Ambeno (RAEOA). Kada munisípiu haruka estudante reprezentante na'in-tolu.

#JornalistaEmilio
#ortografiajoanicodejesus
#ortografiahipolita
#traduçãojoãoamaral
#MédiaME