---Tetun---
MINISTÉRIU EDUKASAUN ENKONTRU HO KOORDENADOR JERÁL NO LOKÁL SIRA
Díli - Kinta-feira, 27 fevereiru 2025
Ministériu Edukasaun liuhosi Diretora Jerál Administrasaun no Finansas (DGAF) Cecília Maria Belo de Assis no akompaña husi Dirijente sira hala’o enkontru traballu dahuluk tinan 2025 ho Koordenadór Jerál no Lokál sira husi projetu Escola CAFE, iha salaun konferénsia Ministériu Edukasaun, Vila Verde, Dili.
Iha reuniaun ne’e, Diretora DGAF Maria Belo de Assis hateten katak enkontru regulár ne’e ho objetivu atu diskuti tema esensiál sira ba funsionamentu di’ak no dezenvolvimentu iha ita-nia komunidade eskolár no projetu CAFE ne’e rasik.
“Ita aproveita momentu ida-ne’e hodi aliña estratéjia, fahe ideia sira no hametin ita-nia servisu iha ekipa, sempre ho intensaun atu proporsiona edukasaun ho kualidade ba ita-nia estudante sira, hodi konsidera limitasaun, difikuldade téknika no infraestrutura ne’ebé eskola sira hasoru”. Dehan DGAF
Iha parte seluk, Koordenador Jerál Timor Oan ba Projetu CAFE Sr. Rojer Rafael Tomas Soares hateten katak, susesu ba projetu ida ne’e nu’udar rezultadu husi imi ida-idak nia servisu ne’ebé la kolen no kolaborasaun esensiál husi diresaun Ministériu Edukasaun nian.
“Kompromisu hodi hasa’e kualidade ensinu nian permiti ona atu fó formasaun ba ita-nia profesór timoroan sira, garanti kondisaun aprendizajen ne’ebé di’ak liu ba alunu sira no promove lian portugés nu’udar elementu xave iha dezenvolvimentu ensinu iha Timor-Leste” Koordenadór hatete.
Iha reuniaun ne’e partisipa mós husi Diretór Jerál Administrasaun no Finansas, Diretora Nasionál Ensinu Báziku, Diretór Nasionál Infraestrutura, Adjuntu Inspetór Jerál no Reprezentante Diretór Nasionál Rekursu Umanu.
---Português---
ENCONTRO DO MINISTÉRIO DA EDUCAÇÃO COM COORDENADORES GERAIS E LOCAIS
Díli, quinta-feira, 27 de fevereiro de 2025
Ministério da Educação através da Diretora Geral de Administração e Finanças (DGAF) Cecília Maria Belo de Assis e acompanhada pelos Dirigentes realizaram a primeira encontro de trabalho em 2025 com os Coordenadores Gerais e Locais do projeto Escola CAFE, na sala de conferências do Ministério da Educação, Vila Verde, Díli.
Nesta reunião, a Diretora DGAF Cecília Maria Belo de Assis disse que, esta reunião regular tem como o objetivo discutir os temas essenciais para o bom funcionamento e desenvolvimento da nossa comunidade escolar e do próprio projeto CAFE.
“Vamos aproveitar este momento para alinhar estratégias partihar ideias, e fortalecer o nosso trabalho em equipa sempre com o intuito de proporcionar uma educação de qualidade aos nossos alunos levando em conta, as limitações , dificuldades técnicas e da infraestrutura que as escolas enfretam”. Disse Diretora.
Por outro lado, Coordenador Geral Timorense do Projeto CAFÉ Sr. Rojer Rafael Tomas Soares disse que, o sucesso deste projeto é resultado do trabalho incansável de cada um de vós e da colaboração essencial das direções do Ministério da Educação.
“O compromisso melhoria da qualidade do ensino tem permitido fornecer a formação dos nossos professores timorenses garantir melhores condições de aprendisagens para os alunos e promover a língua portuguesa como o elemento chave do dezenvolvimento da educação em Timor-Leste”. Disse coordenador.
A reunião contou também com a presença a Diretora-Geral de Administração e Finanças, Diretora Nacional do Ensino Básico, o Diretor Nacional de Infraestruturas, o Adjunto Inspetor-Geral e o Representante do Diretor Nacional de Recursos Humanos.
#MédiaMEJornalistaEmilio
