Díli, Segunda-feira loron 03 Fevereiru 2025
Ministériu Edukasaun liuhusi Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos sai Inspetór ba serimónia Ixar Bandeira semana dahuluk fulan Fevereiru tinan 2025 nian, iha resintu Ministériu Edukasaun Villa- Verde.
Iha ámbitu Ixar Bandeira ne'e Sua Exélensia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos fó parabéns ba funsionariu hotu ne’ebé mak hola parte ona iha Ixar Bandeira dader kmanek ida ne’e no bemvindo ba Diretór servisu Edukasaun Munisípiu sira ne’ebé hola parte iha ixar Bandeira Nasionál ne'e"
Governante ne'e akresenta, "Husu dirijente hotu-hotu mai-ita hanoin ida hakarak ida, saida mak ita nia hakarak, iha prinsípiu ida lori Ministériu Edukasaun ne’e ba oin. Ho esperansa katak ho esforsu ne’ebé mak iha, kolaborasaun, kooperasaun di'ak no komunikasaun diak ba malu atu nune’e bele alkansa objetivu"
Serimónia Ixar Bandeira ba semana dahuluk fulan Fevereiru nian ne'e partisipa másimu husi Dirijente no funisionáriu sira Ministériu Edukasaun nian
#MédiaME
