Dili – Loron Segunda-Feira, 10 Marsu 2025
Sua Exelénsia Ministra Edukasaun Dra. Dulce de Jesus Soares, partisipa iha kolókiu kona-ba divulgasaun diploma ministeriál kuadru pesoál, planu rede edukasaun pre-eskolár no programa intensivu, iha Salaun Ian Martin INFORDEPE, Matadoru.
Iha vizita ne’e, Sua Exelénsia Ministra Edukasaun Dra. Dulce de Jesus Soares, hateten, divulgasaun ba diploma ministeriál, kuadru pesoál ba planu rede edukasaun pre-eskolár, bazeia ba dekretu lei númeru 34 ne’ebé governu aprova iha 31 maiu 2023 hodi sai baze atu hala’o servisu iha edukasaun ensinu pre-eskolár, ensinu báziku no mós ensinu sekundáriu jerál no tékniku vokasionál.
“Iha ensinu báziku mak ita halo tiha ona rekrutamentu ba bolsa kandidatu profesór, ba ensinu sekundáriu iha hela prosesu preparasaun ba rekrutamentu profesór no ba pre-eskolár, halo ona rekrutamentu, maibé seidauk seidauk priense númeru ne’ebé ita hakarak, maibé iha tempu badak sei iha kolokasaun husi bolsa kandidatu ne’ebé mak aplika ba ensinu báziku”, dehan S.E. Ministra Edukasaun.
Governante ne’e hatutan, edukasaun pré-eskolár hanesan edukasaun ida ne’ebé importante, tanba sai hanesan baze ba dezenvolvimentu labarik sira nian, tanba ne’e resintu ensinu pre-eskolár tenki amigavel, simu labarik sira ho di’ak, nune’e labarik sira bele aprende ho di’ak liután.
#MédiaME
