Dili, Tersa-Feira, 11/02/2025
Ministériu Edukasaun liuhusi Koordenador Timorense Eskola CAFE Dili Prof. Justino Ximenes organiza Video Konferénsia entre Estudante Eskola CAFE Dili no Eskola Ferreira Castro Portugal, iha Sala Eskola CAFE Dili. Iha video konferénsia ne’e ko’alia kona-ba Komemorasaun loron internet no utilizasaun internet.
Iha video konferénsia ne’e Koordenador Timorense Eskola CAFE Dili Prof. Justino Ximenes ba Jornalista hateten, ohin loron komemorasaun internet ne’ebé mais segura no loron ida ne’e entidade portuguesa sira komemora loron ida ne’e nu’udar loron importante ida ba utilizasaun internet, ami husi eskola CAFE Dili halo komunikasaun parte entidade portuguesa ninian no ami mós konsege komunika ho Eskola Públika ida iha Portugal ho naran Eskola Ferreira Castro Portugal.
“Agora iha video konferénsia ida ne’e ho nia objetivu maka fahe informasaun kona-ba oinsa ita bele uza internet ho mais seguru posivel, iha aprezentasaun ne’e estudante sira 100 ano husi Eskola Ferreira Castro mak aprezenta buat lubuk ida, ko’alia kona-ba Pegada Dijitál no oinsa ita bele uza internet ho di’ak atu nune’e labele prejudika ba iha reputasaun pessoál’’. Tenik nia.
Aleinde ne’e koordenador mós hato’o nia mensajen ba estudante sira katak agora dadaun sempre uza internet ba iha komunikasaun no peskiza ruma, hanesan ohin iha aprezentasaun katak pegada dijitál ne’e hanesan informasaun sira ne’ebé ita atu husik hela ba iha internet, se karik ita husik informasaun di’ak ida iha internet sei la prejudika ba ita nia reputasaun pessoál no ba ita nia-an, maibe ita husik informasaun ladun di’ak ba iha internet sei prejudika ba ita nia reputasaun pesoál no ita nia-an. Dehan Koordenador.
Video konferénsia ne’e partisipa husi estudante, manorin sira no Koordenador Timorense Eskola CAFE Dili.
#MédiaMEJornalistaEmilio
