Lautém, 25/06/2024
Sua Exelénsia Sekretáriu Estadu Ensinu Sekundáriu Jerál no Ensinu Tékniku Vokasionál Sr. Domingos Lopes Lemos hamutuk ho komisariu Funsaun Públika no dirijente sira husi Ministériu Edukasaun nian fó pose ba manorin-na’in ’in hamutuk 192 ba ingresu espesiál no rejime karreira dosente iha Munisípiu Lautém, Tersa-feira ne'e.
Iha Diskursu Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos hateten, Serimónia tomada pose ba profesór kareira dosente na'in 192 empozadus ne'e espesiál,tamba transforma ona sira nia estatutu kontratadu ba permanente nunee hala'o knaar tuir prosedimentu legal ne'ebé mak iha, knaar nu'udar funsionáriu públiku ne’e dever maka servisu, eduka no hanorin oan sira, tanba atu transforma Lautém nia oan ba di'ak, fundasaun mak Edukasaun.
"Bolsa kandidatu ba faze daruak termina ona no Prepara ba teste Ensinu pre_eskolar no Ensinu Baziku, atu hodi kompleta ba metas sira ne'ebé mak sedauk to'o, no hahu levantemetu kuadru pesoas ba Ensinu Sekundáriu Jerál no Ensinu Sekundáriu Téknika Vokasionál iha Munisípiu Dili atu nune'e hodi responde nesesidade urgente ba eskola sira ne'ebé mak presija, no bazeia ba levantemetu dadus sira nee hotu,atu nune'e ita bele identifika ona ba eskola sira ne'ebé mak presija profesór matéria ka Disiplina ne'ebé mak eskola presija,hodi nune'e ita bele responde ba eskola sira ne'ebé mak presija.
Governante ne'e reafirma ona planu ba Ensinu pre-eskolar no Ensinu Báziku totál profesór/a na'in, 2.400, ne'ebé mak teste ba faze dahuluk nian hamutuk na'in 3021, maibé liu iha teste ne'e hamutuk na'in 500 pesoas no agora loke ba iha faze daruak hodi nune'e bele kompleta 20.400 profesór/a iha Munisípiu sira hotu.
Aleínde ne’e Diretór Edukasaun Munisípiu Lautém Sr. Anibal Fernandes hateten, eskola públiku hamutuk 236 no totál Estudante 24.900 no Profesór 139. Nune'e mós profesór ne'ebé tama ba iha reforma hamutuk na'in 31 no no sira ne'ebé mak mate hamutuk ema na'in 81.
"Diretór ne'e mós husu atu koloka tan profesór sira hamutuk na'in 275 profesór, hodi bele substitui ba iha fatin sira ne'ebé sei menus profesór atu bele reforsa edukasaun iha Munisípiu Lautém.
Serimónia ne’e partisipa husi Sua Exelensia Sekretáriu Estadu Ensinu Sekundáriu Jerál no Ensinu Sekundáriu Téknika Vokasionál Sr Domingos Lopes Lemos hamutuk ho komisáriu Funsaun Públika, Xefe Gabinete Ministra Edukasaun, Diretóra Rekursu Umanu, Diretór Jerál Ensinu Sekundáriu, Diretór Nasionál Ensinu Sekundariu Jéral, Diretór Nasionál Tékniku Vokasionál, Diretóra Finansas, Diretór Edukasaun Munisípiu Lautém, no Sekretáriu Autoridade Munisípiu Lautem no Família Empozada sira.
#MédiaME
