Dili, 28/06/2024
Exelénsia Ministru Edukasaun Interinu Sr. Domingos Lopes Lemos, hamutuk ho Prezidente Komisaun Funsaun Públika Sr. Agustinho Letêncio de Deus no dirijente sira husi Ministériu Edukasaun nian abertura etapa daruak teste bolsa kandidatura profesór sira iha salaun Aikuris Komisaun Funsaun Públika, Sesta-feira ne’e.
Iha diskursu Exelénsia Ministru Edukasaun Interinu Sr. Domingos Lopes Lemos hateten,
espera katak kandidatu hotu preparadu no trankuilu atu halo teste eletróniku ho seguransa no konfiansa tomak. Ne'e hanesan momentu atu sira hatudu sira nia dedikasaun, koñesimentu no vokasaun ba ensinu.
“Lembra katak, kada ida husi ita iha potensial atu halo diferensa iha vida estudante sira nian no iha kualidade edukasaun iha ita-nia nasaun. Konkursu ne'e la'ós de'it oportunidade ba ita, maibé mós ba futuru edukasaun Timor-Leste nian, ha’u fiar katak kada kandidatu ida-ne’e prepara ona atu hetan pontu mínimu no hetan iha lista espera profesór nian”, katak Governante ne’e.
Governante ne’e akresenta tan, professor hotu-hotu nia prezensa iha Funsaun Públika halo votus susesu ba fase daruak konkursu nian, espera katak ne'e sei hanesan pasu signifikativu iha jornada atu sai profesór husi Ministériu Edukasaun.
Fatin hanesan Prezidente Komisaun Funsaun Públika Sr. Agustinho Letêncio de Deus reafirma, Komisaun Funsaun Públika hakarak garatia transparente, no laiha nepotismu, garantia katak liu husi prosesu ida ne'e transparente ba hotu-hotu, liu ka laliu deside rasik iha posesu teste ne'e.
"Prezidente fo enkoragen ba kandidatura sira atu bele partisipa ho di diak, ho ida ne'e Prezidente mós husu atu kandidatu sira tenki uza tempu ho másimu ho di’ak. Nune'e kontestu ba profesór ne'e laos oportunidade maibé hanesan vokasaun no laos ema hotu-hotu atu Sai profesór/a hanorin futuru Jerasaun ida ne’e nian. Prepara ita-bo'ot sira nia-an ba deseju susesu ba ita-boot sira atu nune'e bele sai profesór ne'ebé kualidade ba rai Ida ne'e", tenik prezidente ne’e.
Enkuantu teste bolsa kandidatura profesór nian ba etapa daruak ne’e hamutuk na’in 7566 profesór, durante semana ida nia laran.
#jornalistarita
#MédiaME
