Ainaro - Loron, Sexta-Feira, 21 juñu 2024
Sua Exelénsia Ministra Edukasaun Dra. Dulce de Jesus Soares hala’o vizita kortezia ba Eskola Sekundáriu Gerál Fernando Lasama de Araújo Ainaro hodi fó hanoin ba estudante hotu atu estuda maka’as no labele hatudu hahalok ladi’ak atu bele sai jerasaun ida ne’ebé matenek hodi serví nasaun ne’e iha futuru.
Iha vizita ne’e, Sua Exelénsia Ministra Edukasaun Dra. Dulce de Jesus Soares hateten, estudante sira tenki evita-an no labele halo problema hodi konsentra ba disiplina sanulu resin (13) ne’ebé iha hodi estuda, tanba ne’e atu tama dadauk ona ba trimestre daruak, nune’e komesa prepara-an atu bele hetan notas di’ak.
“Oan sira, mudansa ne’e mai husi ita-nia-an rasik, se ita la hahú husi ita-nia-an rasik mudansa la mai mesak de’it, ita hakarak halo mudansa ne’e mai husi ita-nia fuan laran, tanba ita hanoin katak ita iha futuru ida”, dehan S.E. Ministra Edukasaun.
#MédiaME
