LIQUIÇA, 06/12/2024- Sua Exelénsia Ministru Edukasaun Interinu Sr. Domingos Lopes Lemos halo enseramentu formasaun ba Superintendente no Auditor foun husi Munisípiu 14 sira iha salaun Madre Carmelita Maubara Sexta-feira ne’e.
Iha intervensaun Sua Exelénsia Ministru Edukasaun Interinu Sr. Domingos Lopes Lemos hateten, liu husi formasaun ida ne’e Superientendente no auditor sira bele fahe hanoin ba malu tanba Superientendente no auditor sira mai husi ambiente ne'ebé mak lahanesan.
"Ha'u hakarak husu ba imi hotu ne'ebé tuir formasaun durante loron tolu iha fatin ida ne'e, ba iha ida-idak nia Munisípiu atu implementa iha terenu matéria ne'ebé mak imi hetan durante iha formasaun ida ne’e", dehan Governante ne'e.
Governante ne’e hatutan, Superintendente no auditor foun sira asumi responsabilidade aprende buat foun, presiza tebes tuir formasaun, ida ne’e hanesan bukae ida hodi implementa iha terenu.
Formasaun ne’e hala'o durante loron tolu hahú husi loron 04 fulan Dezembru remata iha loron 06 fulan Dezembru tinan 2024.
#MédiaME
