Bobonaru – Tersa-Feira, 25 Juñu 2024
Iha diskursu ne’e Sua Exelénsia Prezidente Repúblika Dr. José Ramos-Horta hateten, Prezidente Repúblika buka kontribui nesesidade balun hanesan hahán, ropa, materiál eskola, materiál desportu no seluk tan hodi kontribui maske la’os sufisiente, maibé buka halo buat ruma ba komunidade sira.
“Ohin ita mai iha ne’e aproveita fahe sasán ruma, maibé mós inagura Postu Saúde nomós hela fatin ba pesoál saúde sira ne’ebé di’ak tebe-tebes, tanba iha fatin balun la iha fatin ba infermeiru no doutór sira”, dehan Xefe Estadu.
Hafoin remata inaugurasaun no fahe sasán ba komunidade kbi’it laek sira Sua Exelénsia Ministra Edukasaun Dra. Dulce de Jesus Soares hala’o vizita mós ba Ensinu Báziku Filiál Kolimau hodi observa kondisaun eskola nomós hala’o teste ba estudante sira liga ho matéria ne’ebé sira aprende iha eskola.
#MédiaME
