Austrália 06 Dezembru 2024 - Ministériu Edukasaun Reprezenta husi Diresaun Nasionál Ensinu Báziku, akompaña Manan-na’in ba Sertame Nívél Nasionál Ensinu Báziku estudante sira husi Eskola Ensinu Báziku Sentrál 3° Siklu Diligência, Letefoho, Same, Manufahi hodi hala'o vizita ba Eskola Santa Assumption College Kilmore, iha Melbourne Austrália.
Iha atividade visita ne'e Diretór Prinsipál Eskola Santa Assumption College Kilmore, Sr. Paul Finneran hato’o bem-vindu ho haksolok ba vizita husi delegasaun Ministériu Edukasaun Timor-Leste tanba konsidera hanesan oportunidade ne'ebé folin-boot ba sira atu hetan informasaun kle'an liután kona-ba dezenvolvimentu Edukasaun iha Timor-Leste no nu'udar transformasaun Esperiénsia hodi fó oportunidade ba estudante sira atu moris iha ambiente foun, aprende kultura foun no adapta ba dalan moris oioin.
Entretantu, Diretora Servisu Edukasaun Munisípal Manufahi Sra. Joaninha da Silva Soares hateten, benefísiu husi vizita mai eskola Melbourne Austrália atu bele kontribui maka'as ba dezenvolvimentu pesoál no profisionál estudante sira-nian, hodi prepara sira atu hasoru dezafiu sira iha mundu globalizadu.
Delegasaun Ministériu Edukasaun Timor Leste nian simu husi Diretór Prinsipál Eskola Santa. Assumption College Kilmore, ACK, Sr.Paul Finneran ho estrutura no estudante sira, liuhusi serimónia Formal no kontinua parisipa iha reflesaun ba tempu adventu tinan 2024 nian ne'ebé organiza husi Eskola Santa. Assumtion College Kilmore.
Antes remata Vizita delegasaun Ministériu Edukasaun haamutuk ho estudantes na'in 4 husi Munisípiu Manufahi ne'eɓé nu'udar Vensedór Sertame Nívél Nasionál Ensinu Báziku akompaña direita prosesu aprendizagem ne'ebé Hala’o iha Sta. Assumption Kilmore, ACK,Melbourne Austrália.
JornalistaElias
MÉDIA ME
