Dili, 20 Maiu 2025 – Sua Exelénsia Ministra Edukasaun, Dra. Dulce de Jesus Soares no Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál, Sr. Domingos Lopes Lemos, hamutuk no Membru Governu Konstitusionál Da-9 nian, partisipa iha serimónia Komemorasaun Loron Restaurasaun Independénsia Repúblika Demokrátika Timor-Leste (RDTL) ba dala-23, iha Palásiu Prezidensiál, Aitarak-Laran, Dili.

Serimónia Komemorasaun Loron Restaurasaun Independénsia RDTL ne’e, prezide husi Sua Exelénsia Prezidente Repúblika, Dr. José Ramos-Horta, ho tema “ HAMETIN PAZ NO DEZENVOLVIMENTU”.

Serimónia Komemorasaun Loron Restaurasaun Independénsia RDTL ne’e, hetan partisipa husi S.E. Prezidente Tribunál Rekursu, S.E. Prezidente Parlamentu Nasionál, S.E. Primeiru Ministru, Kay Rala Xanana Gusmão, Membru Governu Konstitusionál Da-9, Membru Parlamentu Nasionál, Korpu Diplomátiku, Autoridade Seguransa PNTL no FALINTIL-FDTL, Veteranu no mós komunidade sira.

#MédiaME