𝐒𝐄𝐊𝐑𝐄𝐓Á𝐑𝐈𝐔 𝐄𝐒𝐓𝐀𝐃𝐔 𝐄𝐒𝐉-𝐄𝐒𝐓𝐕 𝐇𝐀𝐋𝐎 𝐀𝐁𝐄𝐑𝐓𝐔𝐑𝐀 𝐒𝐄𝐌𝐈𝐍Á𝐑𝐈𝐔 𝐈𝐍𝐕𝐄𝐒𝐓𝐈𝐌𝐄𝐍𝐓𝐔 𝐄𝐍𝐒𝐈𝐍𝐔 𝐓É𝐊𝐍𝐈𝐊𝐔-𝐕𝐎𝐊𝐀𝐒𝐈𝐎𝐍Á𝐋 𝐀𝐓𝐔 𝐇𝐀𝐑𝐈𝐊𝐔 𝐊𝐑𝐄𝐒𝐈𝐌𝐄𝐍𝐓𝐔 𝐄𝐊𝐎𝐍Ó𝐌𝐈𝐊𝐔 𝐋𝐈𝐔𝐇𝐔𝐒𝐈 𝐉𝐄𝐒𝐓𝐀𝐔𝐍 𝐑𝐄𝐊𝐔𝐑𝐒𝐔 𝐌𝐀𝐑Í𝐓𝐈𝐌𝐔 𝐍𝐎 𝐊𝐀𝐅𝐄𝐈𝐊𝐔𝐋𝐓𝐔𝐑𝐀

Dili, 04 fulan Juñu 2025, Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos, halo abertura ba Semináriu Nasionál ho tema Investimentu iha Ensinu Tékniku-Vokasionál atu Hariku Kresimentu Ekonómiku liuhusi Jestaun Rekursu Marítimu no Kafeikultura ba Diretór no Inspektór eskola Sekundáriu Tékniku Vokasionál sira, iha salaun Ian Martin Infordepe kuarta-feira ne'e.

Iha diskursu Sua Exelénsia ESJ-ESTV Sr. Domingos Lopes Lemos, hateten semináriu ne’e bele fó apoiu dezenvolvimentu ba eskola Tékniku Vokasionál sira, diskute pilár fundamentál rua ba dezenvolvimentu sustentável, rekursu marítimu no kafeikultura. Maibé, atu poténsia ne'e bele sai prosperidade no kresimentu ekonómiku, presiza forsa traballu ida ne'ebé kualifikadu.

"Ensinu Sekundáriu Tékniku-Vokasionál (ESTV) iha papel kruziál. ESTV la'ós de'it dalan ba empregu, maibé nia maka baze ba sustentabilidade dezenvolvimentu nasionál. Ho ita-nia investimentu iha ESTV, ita investe diretamente iha ita-nia joven sira-nia kualidade, kapasita sira ho koñesimentu prátiku no abilidade téknika sira ne'ebé presiza atu transforma ita-nia ekonomia", dehan Governante ne'e.

Governante ne’e husu ba Diretór Eskola no Inspektór eskolár sira ne'ebé mak partisipa iha semináriu nasionál ne’e tenki fokus nune’e bele hetan bukae ruma husi Semináriu ne'e hodi implementa iha eskola idak-idak.

Fatin hanesan Oradór Diretór Eskola Perikanan Kelautan Puger Jember Indonesia Sr. Kuntjoro Basuki, dehan lori eskola nia naran hato’o apresisaun ba Ministériu Edukasaun liu husi Gabinete Sekratáriu Estadu ESJ-ESTV bele fó oportunidade hodi mai fahe esperiénsia dezemvolve eskola husi Indonezía nian mai Timor-Leste-Leste.

" Edukasaun Tékniku Vokasionál iha Indonezía mak Vokasionál forte bele inspira eskola Tékniku Vokasionál Timor Leste hanesan Tékniku Vokasionál forte Timor-Leste mós bele. Ho nune’e mak Vokasionál iha Timor-Leste ba futuru ami nafatin fo apoiu Tékniku sira hodi bele dezenvolve di'ak liútan liu husi kooperasaun Sua Exelénsia Sekretáriu ESJ-ESTV konsidera Timor-Leste hanesan maun alin ne'ebé besik liu-liu parte marina nian nune'e bele hasa'e produsaun sira iha tasi hodi hadia ekonomia Timor Leste este nian", dehan Oradór ne’e.

Matéria sira ne'ebé mak Oradór fahe mak hanesan, Edukasaun Tékniku Vokasionál iha Timor-Leste iha área ida iha potensiál kafé tenke tau dezemvolve Kafé, iha tasi haree liu ba ikan no selu-seluktan. Enkuantu Oradór ne'ebé mak fahe koñesimentu iha semináriu ne’e Oradór na'in 4 Oradór rua husi Eskola Indonesia nian no rua husi Oradór eskola Téknika Vokasionál Nasionál nian.

#MédiaME