Iha loron-12 no 30, fulan-Juñu, tinan-2025, Ministériu Edukasaun, liuhusi Projetu BEST, kompleta ho susesu faze daruak no datoluk entrega patrimóniu hafoin remata ho susesu faze dahuluk iha fulan-Maiu, tinan-2025, hodi suporta tan prestasaun servisu edukasaun iha Timor-Leste laran tomak.
Sasán xave sira ne'ebé entrega iha faze rua ikus ne'e kompostu husi:
⢠Laptop 8, desktop 1, printer 3, projector 5, SmartTV 1 kompletu ho ekipamentu video conferénsia nian, Sound System 4, Camera Canon 1, no wireless Router 3 atu hametin aprendizajen dijitál no operasaun eskritóriu nian.
⢠Ekipamentu no mobiliariu eskritóriu atu faselita servisu iha diresaun nasionál oin-oin no INFORDEPE.
⢠Fasilidade sala reuniaun no apoiu lojÃstiku ba jestaun programa edukasaun.
⢠Kareta Toyota Hilux unidade rua no motór Yamaha unidade ida hodi faselita ba hasa'e atividade monitorizasaun iha kampu no mobilidade ba servisu edukasaun.
⢠Dokumentu aprovadu kona-ba padraun Infraestrutura Eskola Sékulu 21 nian, atu orienta dezenvolvimentu eskola iha futuru.
Iha oportunidade hanesan, Ministériu Edukasaun hato'o apresiasaun ba parseiru implementador hotu-hotu, ekipa Projetu BEST, no ema hotu-hotu ne'ebé envolve iha sira-nia dedikasaun no kolaborasaun hodi fornese asset ba Ministériu Edukasaun hodi hametin liutan sistema edukativu.
