Díli, loron 01 fulan Jullu 2025 - Sua Exelénsia Ministru Edukasaun Interinu, Sr. Domingos Lopes Lemos, hamutuk ho Sua Exelénsia Primeiru Ministru Interinu, Eng. Mariano ASSANAMI Sabino halo diálogu ho estudante no profesór sira iha eskola Eskola Ensinu Báziku no Eskola Sekundária Jerál 10 de Desembro Comoro, liuhusi programa Diálogu Eskolár.
Iha entrevista, Sua Exelénsia Primeiru Ministru Interinu, Eng. Mariano ASSANAMI Sabino, hateten ohin ne'e diálogu kona-ba konstrusaun paz, estadu, nasaun ho konstrusaun karakter, ba estudante sira, tanba nasaun ne’e ba oin konta ho imi nia potensialidade.
"Bele iha partidu oioin, arte marsiais oioin, maibé ita ne’e mesak Timoroan de'it, estudante sira mak nasaun ne’e nia na'in, tenke estuda didi'ak, aprende ho didi'ak, utiliza imi-nia tempu hodi estuda ho di'ak, imi mak futuru nasaun nian", dehan Primeiru Ministru Interinu.
Iha fatin hanesan, Sua Exelénsia Ministru Edukasaun Interinu, Sr. Domingos Lopes Lemos, reafirma ohin mai iha fatin ne’e atu sosializa paz ba estudante sira iha eskola 10 de Desembro ida ne’e, tanba eskola ida ne’e dala barak mosu konflitu.
"Primeiru Ministru Interinu, Eng. Mariano ASSANAMI Sabino, mai ho programa ida naran Diálogu Eskolár, atu sensibiliza ba estudante sira hotu-hotu atu harii paz no estabilidade iha eskola no mós iha sosiedade", hateten Governante ne’e.
Governante ne’e hatutan, Ministériu Edukasaun mós fó ona sirkulár ida ba eskola sira, atu labele implementa arte marsiais iha eskola sira liuliu ba Profesór sira atu labele aplika aktu sira ne’e.
Programa Diálogu Eskolár ne’e, realiza husi Gabinete Vice Primeiru Ministru, MCAS no Ministru Dezenvolvimentu Rural no Habitasaun Komunitária, hodi realiza iha eskola sira ne’ebé identifika ona, hanesan eskola EBC no ESG 10 de Desembro, ESG 4 de Setembro UNAMET Dili, inklui eskola sira ne’ebé indentifika ona iha Munisípiu seluk.
VERSÃO PORTUGUÊS
MINISTRO INTERINO DA EDUCAÇÃO E PRIMEIRO-MINISTRO INTERINO REALIZAM DIÁLOGO ESCOLAR NA ESCOLA BÁSICA CENTRAL E ENSINO SECUNDÁRIO GERAL 10 DE DEZEMBRO
Díli, 1 de julho de 2025 — Sua Excelência o Ministro Interino da Educação, Sr. Domingos Lopes Lemos, juntamente com Sua Excelência o Primeiro-Ministro Interino, Eng. Mariano Asanami Sabino, realizou nesta terça-feira um Diálogo Escolar com os alunos da Escola de Ensino Básico Central e da Escola Secundária Geral 10 de Dezembro, em Comoro.
Em declarações à imprensa, o Primeiro-Ministro Interino, Eng. Mariano Asanami Sabino, afirmou que este diálogo teve como objetivo promover a construção da paz, do Estado, da Nação e do caráter dos estudantes.
“Esta nação pertence-vos.. O futuro de Timor-Leste está nas vossas mãos e no vosso potencial. Podem pertencer a partidos diferentes, a artes marciais diferentes, mas todos somos timorenses. Os estudantes são os futuros líderes da Nação. Devem estudar com empenho, aprender com seriedade e usar bem o vosso tempo para o estudo — vocês são o futuro do país”, declarou.
Por sua vez, o Ministro Interino da Educação, Sr. Domingos Lopes Lemos, reforçou que a visita teve como objetivo promover a paz entre os estudantes, considerando essa missão como de grande importância.
“Todos sabemos que esta escola tem sido identificada como uma das que regista conflitos.
Por isso, o Primeiro-Ministro Interino incluiu-a no seu programa de Diálogos Escolares, que será alargado a outras escolas e unicípios identificados como prioritários”, afirmou o governante.
O Ministro acrescentou ainda que o Ministério da Educação já emitiu um circular às escolas com a instrução de que não é permitida a prática de artes marciais no contexto escolar, sobretudo por parte dos professores, que devem dar o exemplo e evitar qualquer envolvimento em tais práticas dentro das instituições.
#jornalistarita
#traduçãoJoãoAmarál
#MédiaME
