Ainaro, 25-11-2024 Sua Exelénsia Sekretáriu Estadu ESJ-ESTV Sr. Domingos Lopes Lemos hamutuk ho Diretór Nasionál Ensinu Sekundáriu Sr. Benjamin Fernandes, entrega ekipamentu Drum-Band ba Eskola Sekundáriu Jerál Katólika Santo Ináçio de Loyola Maubisse Segunda- Feira ne’e.
Iha intervensaun, Sua Exelénsia Sekretáriu Estadu ESJ-ESTV Sr. Domingos Lopes Lemos hateten loron ohin ita hamutuk iha fatin ida ne’e hodi motiva no estuda tanba futuru Maubisse iha imi nia liman.
Tanba ne’e, ekipamentu Drum-Band entrega ona ba eskola atu nune’e estudante hotu bele tuir formasaun hodi halo atuasaun iha loron boot no bele partisipa iha kompetisaun ruma.
Governante ne'e nafatin husu ba Manorin na'in no Estudante sira ekipamentus Drum-Band loron ohin lori mai ona iha fatin ne'e husu ba imi hotu kuidadu hanesan ita nian rasik no labele konsidera sasan ne'e hanesan Estadu nian.
Hafoin entrega ekipamentus, Sua Exelensia Sekretáriu Estadu ESJ-ESTV Sr. Domingos Lopes Lemos, hamutuk ho ekipa hala'o vizita kortezia ba eskola ESTV Maulau hodi hare diretamente eskola refere.
#MédiaME
