DILI – Iha loron 07 Jullu 2026, Ministériu Edukasaun hamutuk ho komunidade St. Paul’s Methodist School selebra aniversáriu ba dala-11 instituisaun ne’e iha Metinaro. Selebrasaun ne’e la’ós de’it festa, maibé mós momentu ida atu reflete ba jornada edukasaun nian iha Timor-Leste.
Xefe Gabinete Ministra Edukasaun, Sra. Paula Flamina da Silva de Corte Real Araújo, ne’ebé reprezenta ME iha eventu ne’e, relembra oinsá St. Paul’s hahú iha tinan 2016 ho de’it estudante na’in-18 no mehi ida.
"Ohin ami haree kampus ne’e ho joven liu 1.000 resin. Sa’e husi sala-aula ida de’it ba instituisaun kompletu husi Klase 1 to’o 12. Ne’e prova katak ho vizaun no serbisu maka’as, transformasaun posivel," dehan nia.
Tuir Sra. Paula, St. Paul’s hatudu ona padraun ne’ebé ME buka hela: kurrikulu rigorozu, dezenvolvimentu olistiku, no lideransa dedikadu. Eskola ne’e la foku de’it ba nota, maibé mós ba karakter. Ho ambiente bilingue no metodolojia ne’ebé adopta husi Singapura, eskola ne’e dezafia estudante sira atu hanoin kritiku no prontu ba mundu globál.
"Imi hatudu katak foin-sa’e timoroan, bainhira hetan ferramenta ne’ebé loloos, bele kompete iha ne’ebé de’it," nia afirma.
Iha momentu ne’ebé Timor-Leste tama ona ba integrasaun kompletu iha ASEAN, Xefe Gabinete ne’e mós fó mensajen importante: integrasaun hahú iha sala-aula. "Tratadu sira asina iha Dili ka Jakarta, maibé integrasaun loloos akontese bainhira ita-nia estudante sira iha koñesimentu no kompeténsia atu kompete iha rejiaun," nia subliña.
Fulan kotuk, ME ofisialmente fó ona lisensamentu ba St. Paul’s nia Ensinu Sekundáriu. Ba ME, ne’e rekoñesimentu ba kualidade ne’ebé komunidade hatene ona durante tinan barak.
St. Paul’s ohin sai ezemplu ida: katak bainhira eskola, família no governu servisu hamutuk, ita bele kuda jerasaun ida ne’ebé forte ba nasaun no ba ASEAN.
[PORTU]
ST. PAUL'S: DE UM PEQUENO SONHO A UM MODELO DE EDUCAÇÃO NACIONAL
DÍLI – No dia 7 de julho de 2026, o Ministério da Educação, em conjunto com a comunidade da St. Paul's Methodist School, assinalou o 11.º aniversário da instituição, em Metinaro. A celebração constituiu não apenas um momento festivo, mas também uma oportunidade para refletir sobre o percurso da educação em Timor-Leste.
A Chefe do Gabinete da Ministra da Educação, Paula Flamina da Silva de Corte Real Araújo, que representou o Ministério da Educação na cerimónia, recordou que a St. Paul's Methodist School iniciou a sua atividade em 2016 com apenas 18 alunos e um grande sonho.
"Hoje vemos um campus que acolhe mais de mil estudantes. A escola evoluiu de uma única sala de aula para uma instituição completa, que oferece ensino do 1.º ao 12.º ano. Isto demonstra que, com visão e trabalho árduo, a transformação é possível", afirmou.
Segundo Paula Flamina da Silva de Corte Real Araújo, a St. Paul's Methodist School representa o padrão de qualidade que o Ministério da Educação procura promover: um currículo rigoroso, desenvolvimento integral dos alunos e uma liderança dedicada. Salientou ainda que a instituição não se limita ao desempenho académico, mas aposta igualmente na formação do caráter. Com um ambiente bilingue e uma metodologia inspirada no sistema educativo de Singapura, a escola incentiva os estudantes a desenvolver o pensamento crítico e a preparar-se para os desafios de um mundo globalizado.
"Os nossos jovens demonstram que, quando lhes são proporcionadas as ferramentas adequadas, são capazes de competir em igualdade de circunstâncias com estudantes de qualquer parte do mundo", sublinhou.
Num momento em que Timor-Leste se prepara para a integração plena na ASEAN, a responsável deixou também uma mensagem sobre a importância da educação nesse processo. "Os tratados podem ser assinados em Díli ou em Jacarta, mas a verdadeira integração regional começa nas salas de aula, quando os nossos estudantes adquirem os conhecimentos e as competências necessárias para competir na região", destacou.
Recordou ainda que, no mês passado, o Ministério da Educação concedeu oficialmente o licenciamento para o funcionamento do ensino secundário da St. Paul's Methodist School. Para o Ministério, esta decisão representa o reconhecimento formal da qualidade educativa que a comunidade já identificava há vários anos.
A St. Paul's Methodist School afirma-se, assim, como um exemplo de que, quando escola, famílias e Governo trabalham em conjunto, é possível formar uma nova geração preparada para contribuir para o desenvolvimento de Timor-Leste e para enfrentar os desafios da integração na ASEAN
