Bobonaro, 11 Novembru 2025
Sua Exelénsia Ministra Edukasaun, Dra. Dulce de Jesus Soares, hamutuk ho Embaixadora Boavontade ba Asuntu Edukasaun, Sra. Kirsty Sword Gusmão no ekipa husi Spend it Well, inklui komunidade no estudante sira, halo inaugurasaun ba Eskola Ensinu Báziku Filiál (EBF) Malaha’a, ne’ebé apoiu husi Spend it Well, iha Postu Administrativu Atabae, Munisípiu Bobonaru.
Iha diskursu, Sua Exelénsia Ministra Edukasaun, Dra. Dulce de Jesus Soares, hateten, ohin loron kontente loos atu inaugura eskola ida-ne’ebé harii hosi Spend it Well ba daruak iha Munisípiu Bobonaro, ne’ebé kompostu husi sala-aula 4, sintina, inklui materiál ensinu aprendizajen no apoiu seluk tán.
“Ha'u hakarak hatete katak, bainhira ha'u haree eskola Spend it Well ida, ha'u haree katak sempre iha buat foun ruma ne'ebé espesiál. Aleinde edifísiu ho sala-aula haat no sintina, maibé ha'u nota katak iha mós materiál ensinu no aprendizajen inklui iha pakote ne'e! Kartás hirak-ne'e bele taka iha didin-lolon sei ajuda duni atu kria ambiente aprendizajen ne'ebé vibrante no envolvente. Ekipamentu ba profesór sira sei tulun ita-nia profesór sira atu uza pedagojia di'ak liután”, dehan S. E. Ministra Edukasaun.
Governante ne’e hatutan, agora ita-boot sira iha edifísiu furak no foun, tanba ne’e ba Koordenadór, fiar katak ita-boot sei jere eskola ida-ne’e ho di’ak no efisiente hodi kontrola oras hanorin nian, kualidade hanorin, orsamentu, dadus, dokumentu sira no jestaun. No ba manorin doben sira: Halo favór keta haluha katak labarik sira-ne’e nia futuru iha ita-boot sira-nia liman. Nune’e, favór hanorin tuir oras no tuir kurríkulu. Respeita labarik ida-idak no buka atu koñese ida-idak nu’udar ema indivíduu ida. Relasaun ne’ebé ita-boot sira kria entre manorin no estudante mak importante liu hodi asegura rezultadu aprendizajen ne’ebé di’ak, no mós dezenvolvimentu ba futuru sidadaun sira-ne’ebé iha responsabilidade, respeita-malu, kriatividade, no abilidade atu komunika ho di’ak ho ema hotu-hotu.
Iha fatin hanesan, Embaixadora Boavontade ba Asuntu Edukasaun, Sra. Kirsty Sword Gusmão, hateten, eskola ida-ne’ebé dadaun ne’e inaugura, la’os dahuluk husi ekipa Spend it Well, maibé harii ona edifísiu eskola hamutuk 26 ona iha teritóriu laran tomak.
“Ekipa Spend it Well la la’o mesak, maibé sira rona Ministériu Edukasaun nia prioridade iha área infraestrutura. Sira iha ekipa ne’e hanesan ema baibain, la’os husi governu Austrália, sira servisu maka’as ho sira-nia komunidade hodi buka osan hodi apoiu Timor-Leste no rekoñese importánsia husi edukasaun”, dehan Embaixadora Boavontade.
Embaixadora hatutan, presiza tebetebes inan-aman nia kolaborasaun hodi haruka oan sira mai eskola no manorin sira mós iha responsabilidade atu hanorin ho laran, tanba ita-boot sira mak kaer profisaun importante liu iha nasaun ida-ne’e hodi eduka oan sira ne’ebé mak futuru nasaun nian.
.jpeg)
[PORTU]
SPEND IT WELL CONSTRÓI 26 NOVAS ESCOLAS EM TODO O TERRITÓRIO TIMORENSE
Bobonaro, 11 de Novembro de 2025 – A Sua Excelência a Ministra da Educação, Dra. Dulce de Jesus Soares, juntamente com a Embaixadora da Boa Vontade para os Assuntos da Educação, Sra. Kirsty Sword Gusmão, e a equipa da Spend it Well, inauguraram hoje a Escola de Ensino Básico Filial (EBF) de Malaha’a, apoiada por esta organização, no Posto Administrativo de Atabae, Município de Bobonaro. O evento contou também com a presença da comunidade local e dos alunos.
No seu discurso, a Ministra da Educação expressou grande satisfação por inaugurar mais uma escola construída pela Spend it Well no Município de Bobonaro. A nova infraestrutura conta com quatro salas de aula, uma instalação sanitária, e está equipada com materiais pedagógicos e de apoio ao ensino-aprendizagem.
“Quero dizer que, sempre que visito uma escola construída pela Spend it Well, encontro algo de especial. Para além das salas e do edifício em si, noto o cuidado em incluir materiais didáticos e pedagógicos que tornam o ambiente de aprendizagem mais dinâmico e envolvente. Os recursos disponibilizados aos professores vão certamente ajudá-los a aplicar metodologias pedagógicas mais eficazes”, afirmou a Ministra Dulce de Jesus Soares.
A governante apelou ainda à boa gestão do novo edifício escolar, sublinhando a importância de um ensino de qualidade e da boa administração dos recursos disponíveis:
“Agora que têm uma escola nova e bonita, espero que o Coordenador saiba geri-la com eficiência – controlando os horários, a qualidade das aulas, o orçamento, os dados e a documentação. Aos professores, peço que não se esqueçam de que o futuro destas crianças está nas vossas mãos. Ensinem com dedicação, cumpram o horário e sigam o currículo. Respeitem cada aluno como um indivíduo e construam uma relação positiva com eles – é isso que garante bons resultados de aprendizagem e forma cidadãos responsáveis, respeitadores, criativos e capazes de comunicar bem com os outros.”
Por sua vez, a Embaixadora da Boa Vontade para os Assuntos da Educação, Kirsty Sword Gusmão, destacou que a escola hoje inaugurada é apenas uma entre as 26 já construídas pela Spend it Well em todo o território nacional.
“A equipa da Spend it Well não trabalha sozinha. A organização apoia a construção de escolas seguindo as prioridades definidas pelo Ministério da Educação na área das infraestruturas e responde com ação. Estes não são representantes do Governo australiano, mas cidadãos solidários que, com as suas comunidades, angariam fundos para apoiar Timor-Leste e reconhecem a importância da educação”, afirmou.
A Embaixadora sublinhou ainda o papel fundamental da colaboração entre pais e professores:
“É essencial que os pais incentivem os filhos a frequentar a escola e que os professores ensinem com o coração. Têm nas vossas mãos uma das profissões mais importantes do país: educar as crianças que são o futuro de Timor-Leste.”
#jornalistapauladelgado
#MédiaME
