Ermera, loron 30 fulan Agusto 2024
Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos akompaña husi Diretór Ensinu Sekundariu Sr. Benjamin Fernandes hamutuk ho Administradór Postu Administrativu Hatulia B, Veteranu no komunidade sira komemora loron Konsulta Populár ba dala-25 husi 30 agostu 1999 to'o agostu 2024, iha Postu Administrativu Hatulia B, Munisípiu Ermera sesta-feira ne’e.
Iha intervensaun Sua Exelénsia Sekretáriu Estadu ESJ-ESTV Sr.Domingos Lopes Lemos hateten, ohin mai iha fatin ida ne'e hodi hanoin fila-fali ba jeraun foun sira situasaun ne'ebé mak akontese iha tinan 25 ba kotuk, hodi kuda nasionalizmu patriotizmu ba jerasaun foun sira hodi kontinua istória ne’e ba oin.
"Povu mak heroi, povu mak luta-dór. Fó hanoin nafatin ba Juventude sira liuliu Juventude sira iha Postu Administrativu Hatulia B katak loron ohin ne'e importante tebetebes, reflesaun ba ita hotu-hotu luta ba libertasaun ida ne’e naruk tebetebes iha loron 30 de Agosto 1999, kuda nafatin patriotizmu iha ida-idak nia fuan hodi hateke ba oin saida mak ita atu halo iha rai ida ne’e", dehan Sua Exelénsia Sekretáriu Estadu ESJ-ESTV.
Antes hakat ba iha fatin serimónia Sua Exelénsia Sekretáriu Estadu ESJ-ESTV ho ekipa tau ai-funan iha monumentu Saudoso Cabo Martinho da Silva Soares "KAPIR".
Iha komemora loron Konsulta Populár ba dala-25 ne'e Sua Exelénsia Sekretáriu Estadu ESJ-ESTV Sr.Domingos Lopes Lemos abertura mós Jogu Futeból, dada tali no ekipa fahe mós prémiu ba estudante Fatubesi, EBC Lisapat, Paraleleo Poerema ne'ebé sai manán-na'in iha kompetisaun sertame.
"MédiaME
