Oe-Cusse loron 29 fulan Abríl 2026
Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos, akompaña husi Diretór Nasionál Ensinu Sekundáriu Jerál Sr. Benjamin Fernandes da Cruz, halo monitorizasaun ba prosesu instalasaun materiál ICT hanesan komputadór no projetór sira iha eskola Sekundáriu Jerál no eskola Tékniku Vokasionál Palaban iha Rejiaun Administrativa Espesiál Oe-Cusse Ambeno (RAEOA), kuarta-feira ne’e.
"Ami mai Oe-Cusse ho objetivu, atu observa prosesu instalasaun ekipamentu dijitalizasaun iha eskola sira liliu ba ensinu sekundáriu jerál no tékniku vokasionál sira iha Oekusi, tanba prosesu instalasaun ne'e konklui ona hodi utiliza ba prosesu aprendizajén, dehan Governante ne'e iha ESTV Palaban.
Governante ne’e hateten, ekipamentu refere ekipa halo instalasaun hotu ona. Ekipamentu eletróniku hanesan dijitalizasaun ba ICT, agora dadaun bele dehan moderniza ituan itaun ona prosesu aprendizajen iha eskola sira agora dadaun utiliza ona Ekipamentu ICT durante prosesu aprendizajen.
"Durante tinan naruk ona profesór sira hanorin estudante sira uza jís agora utiliza ona Ekipamentu ICT Durante prosesu aprendizajen".
Sua Exelénsia Sekretáriu ESJ-ESTV deklara, Tinan kotuk Ministériu Edukasaun liuhusi Diresaun Jerál Ensinu Sekundariu tau ona orsamentu hodi sosa ekipamentu ICT, nune’e eskola Sekundáriu Jerál sira iha nivél teritóriu agora dadaun utilizasaun ona Ekipamentu ICT durante prosesu aprendizajen.
Fatin hanesan Diretór Diresaun Rejionál Edukasaun Oe-Cusse Sr. Vincêncio Cono, orgullu tanba Ministériu Edukasaun liuhusi Sua Exelénsia Sekretáriu ESJ-ESTV ho ekipa bele mai observa direita prosesu intalasaun materiál ICT sira iha estabelesimentu ensinu sira.
"Prezensa Ministériu Edukasuan iha Oe-Cusse importante tebetebes atu observa direta, karik eskola neʼebé mak sei falta, bele alista kedas atu hetan tan apoia iha futuru, tanba polítika ministériu hakarak moderniza prosesu prosesu aprendizajén ho dijitalizasaun".
#MédiaME
#Ritamoniz
