Baucau, 02 Maiu 2026
Sua Exelénsia Ministra Edukasaun Dra.Dulce de Jesus Soares ho Prezidente Autoridade Munisípiu Baucau Sra Veneranda Lemos akompaña ekipa pedagójika aprezenta rezultadu teste EGRA (Early Grade Reading Assessment) no EGMA (Early Grade Mathematics Assessment) ne'ebé ekipa pedagójika husi Ministériu Edukasaun halo ba estudante sira iha eskola hotu iha munisipiu Baucau.
Iha abertura, Sua Exelénsia Ministra Edukasaun Dra.Dulce de Jesus Soares hatete, Teste ida-ne'e hala'o ho objetivu ida deit, atu haree to'o ne'ebé nivél literasia no númerasia husi estudante sira hotu iha ensinu báziku, espesialmente ba estudante klase ida to'o tolu.
"Ohin halibur malu iha fatin ida-ne'e atu haree no rona aprezentasaun ba avaliasaun liderasia no númerasia fundasionál ba klase ida to'o tolu iha ensinu báziku", dehan Ministra
Iha sorin seluk, Exelénsia Prezidente Autoridade Munisípiu Baucau Sra Veneranda Lemos argumenta, estudante atu hetan valór di'ak presiza profesór sira tenki hanoin ho fuan no dedikasaun tomak.
" Hau husu Baucau oan sira atu fó liman ba malu hodi hateke ba futuru estudante sira tanba Munisípiu Baucau atu hetan podér lokál, xave importante ida maka edukasaun tenki garante kualidade ba futuru", PAM husu.
Nune'e rekorda fali katak rezultadu mini EGRA no EGMA ne'ebé ekipa pedagójika aprezenta ba munisípiu hotu, mai husi teste ida ne'ebé ekipa pedagójika hala'o iha teritoriu nasionál husi fulan fevereiru no marsu tinan 2026.
#EliasdaCosta
#MédiaME
