Baucau 29-07-2024
Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr Domingos Lopes Lemos, hamutuk ho Diretór Ensinu Sekundáriu Jerál Sr. Benjamin Fernandes da Cruz, no Diretór Nasionál Pré-Eskolár Sr. Domingos Belo, hala'o cerimónia abertura implementasaun ba programa intensivu fasilitadór ba Edukasaun Pré-Eskolár iha Salaun Infordepe Baucau segunda-feira ne'e.
Iha Diskursu Sua exelénsia Sekretáriu Estadu ESJ-ESTV Sr Domingos Lopes Lemos, hateten Programa ida-ne'e inisiativa husi Diresaun Nasionál Edukasaun Pré-eskolár Ministériu Edukasaun ho objetivu atu fó ba labarik sira, husi idade tinan 3 to'o tinan 5 hodi hetan oportunidade atu asesu Pré-Eskolár.
"Edukasaun Pré-eskolár baze ida ne'ebé konstrui dalan tomak edukativu nian, tanba ne'e importante tebes atu garante katak baze ne'e matenek no kualidade. Tuir dadus Ministériu Edukasaun 30% labarik sira ho idade Pré-eskolár mak ohin loron matríkula ona númeru ne'e.
Governate ne'e akresenta, IX Governu Konstitusionál estabelese ona matríkula to'o 60%, husi matríkula ne'e ba nível Edukasaun pré-eskolár to'o tinan rihun rua ruanulu resin hitu (2027) hodi implementa Programa ne'e.
Hafoin remata tiha abertura Sua Exelénsia Sekretáriu Estadu ESJ-ESTV ho Ekipa hala'o vizita bá Eskola Sekundária Jerál Filial Vemasse hodi hare direta kondisaun eskola refere.
#MédiaME.
Jornalista Erik
