Díli, 5 Juñu 2025 – Ministériu Edukasaun, liuhusi kolaborasaun forte ho INFORDEPE, DFAT liuhosi Programa PHD, Banku Mundiál, no mentór edukasionál sira husi programa ALMA no EMULI, organiza enkontru importante ho líder edukasaun munisípiu sira atu reflete impaktu serbisu durante fulan neen no planifika dalan ba futuru.
Iha sesaun koletivu ne’e, partisipante sira fó-an atu fahe susesu sira mak hetan ona, identifika dezafiu sira ne’ebé la'o hela iha nivel lokál, no diskute estratéjia prátika sira ne’ebé bele sustenta progresu kontinua iha sistema edukasaun.
Importante husi enkontru ne’e, mak lideransa edukativu sira serbisu hamutuk atu harii meta foun no dezenvolve planu asaun konkretu ba fulan sira tuirmai. Enkontru ne’e mós fó énfaze ba importánsia lideransa eskolár no koordenasaun efetivu atu asiste profesór sira no hadi’a kualidade aprendizajen iha sala-aula.
Mentór edukasionál sira husi programa ALMA no EMULI fó kontribuisaun importante liuhusi apresentasaun ferramenta no konseitu foun sira, inklui:
✅ Instrumentu Triajen Edukasaun Inkluzivu.
✅ Abilidade Sékulu 21 ba Estudante Sira.
✅ Prátika Efetivu iha Observasaun Klase, Feedback Konstrutivu, Treinamentu no Lideransa.
Actividade loron hat ne'e hetan mos contribuição financeira hosi projeto BEST-Basic Education Strengthening and Transformation. BEST financiado hosi GPE - Global Partnership for Education liu hosi Banco Mundial.
Programa formativa ida-ne’e parte integrante husi Ministériu Edukasaun nia vizaun atu kria ambiente edukasionál inkluzivu, ne’ebé fó oportunidade hanesan ba estudante hotu-hotu iha Timor-Leste.
#MédiaME
