Covalima, loron 28 fulan Marsu 2025

Sua Exelénsia Prezidente Repúblika Dr. José Ramos Horta akompaña husi Sua Exelénsia Sekretáriu Estadu Ensinu Sekundáriu Jerál no Ensinu Sekundáriu Tékniku Vokasionál Sr. Domingos Lopes Lemos hala'o vizita kortejia ba eskola sekundáriu Jerál Públika Suai sesta-feira ne’e.

Iha vizita ne’e Sua Exelénsia Prezidente Repúblika Dr. José Ramos Horta, hateten estudante nia moris oras ne'e dadaun ne'e reponsabilidade todan ne'ebé estudante simu husi inan-aman husi estadu mak presiza estuda, estuda loron-loron dader lokoraik, kalan.

"Profesór sira mós tenki hakas-an, sai Profesór ne’e buka profisaun Profesór nian atu nune’e fahe matenek husi kakutak, husi livru, husi estuda no mós husi manual sira atu nune'e prepara oan sira ne'e ba futuru" dehan Sua Exelénsia Prezidente Repúblika Dr. José Ramos Horta.

Prezidente Repúblika Horta mós husu atu hela iha ámbiente tenki di'ak atu nune'e estudante sira bele iha kbi'it atu estuda, labele iha violensia iha uma, husu inan-aman atu tau matan ba oan sira.

Iha vizita ne’e akompaña mós husi Nuno Governu Konstitusionál balun partisipa mós husi Diretora Edukasaun Munisípiu Covalima, Superintendente no Inspetór Munisípiu Covalima nian.

#MédiaME