Díli 24 Outubru 2025
Sua Exelénsia Ministra Edukasaun, Dra. Dulce de Jesus soares, no Embaixadora Australia, Sr. Caitlin Wilson, akompaña husi dirijente sira Ministériu Edukasaun nian, partisipa iha serimónia entrega Rehabilitasaun Asesibilidade Ba Sentu Rekursu Esdukasaun Inkluzivu Taibessi.
Iha entrevista, Sua Exelénsia Ministra Edukasaun, Dulce de Jesus Soares, hateten, ohin Ministériu Edukasaun hamutuk ho Raes hadomi Timor-Oan (RHTO) no Embaixada Australia ne’ebé mak fó apoia ba RHTO liuhosi Minstériu Edukasaun hodi halo rampa asisibilidade iha sentru rekursu edukasaun inkluzivu nian nomós halo konstrusaun interiór iha sala sira.
"Agradeses mós ba ekipa RHTO ne’ebé servisu hamutuk ho Diresaun Nasionál Edukasaun Inkluzivu Asaun Sosiál Eskolár Ministériu Edukasaun nian, ne’ebé halo servisu di’ak tebtebes mezmu oituan. Sentru ne'e harii ona iha munisípiu Díli, Aileu no Lauten, dadaun ne'e sei iha prosesu hela atu estabelese tan iha RAEOA", dehan S. E. Ministra Edulasaun.
Iha fatin hanesan, Embaixadora Australia ba Timor Leste, Caitlin Wilson, hateten, orgullu tebes bele sai parseiru iha tempu naruk ho governu Timor Leste hodi promove Inkluzaun difisiésia, moris sosiál no ekonomia ne’ebé importante iha setór edukasaun no bele mós servisu ho Ministériu Edukasaun hodi atinze ida ne’e mehi ne'ebé iha.
“Ami hatene katak infraestutura ida ne’e mós presiza duni liuliu atu halo ba rampa no asesibilidade ne’ebé mak iha", dehan Embaixadora.
Aleinde ne'e, reprezentante RHTO espresa sentimentu kontente, tanba organizasaun difisiénsia RHTO hamutuk ho organizasaun difisiénsia seluk hodi bele hola parte iha prosesu dezenvolvimentu ba rai doben Timor-Leste.
"Kontente tanba ita iha ona politika nasionál edukasaun inkluziva no ita iha ona ministériu ne’ebé bele apoiu ona ita liuhusi lideransa Exelénsia Ministra Edukasaun, Dra. Dulce de Jesus Soares nian ne’ebé sempre hasa’e ho lian difisiénsia", dehan reprezentante.
#jornalistapauladelgado
#MédiaME
