Díli, 02 Outubru 2025
Sua Exelénsia Ministra Edukasaun, Dra. Dulce de Jesus Soares, hamutuk dirijente sira husi Ministériu Edukasaun no komunidade sira husi Suku Bairu-Pité, hala’o inagurasaun ba edifísiu foun Pré-Eskolar Moris Foun I, ne’ebé kompleta ho sala aula rua, sintina ba labarik feto no mane no mós dapur ba merenda eskolár.
Iha entrevista, Sua Exelénsia Ministra Edukasaun, Dra. Dulce de Jesus Soares, hateten, ohin hamutuk ho estudante, inan-aman profesór no komunidade iha Suko Bairu-Pité, inaugura ona edefísiu edukasaun Pré-Eskolár ne’ebé mak projeitu husi kapitál dezenvolvimentu iha tinan 2024 nian no finaliza iha 2025, ne’ebé kompleta ho sala aula rua, haris fatin ba labarik feto no mane, iha kuziña ida nomós iha fatin halimar.
“Dadaun ne’e, ita iha estudante hamutuk na’in 130, maibé ho prezensa edifísiu ida ne’e profesór liuliu koordenadór sei jere, nune’e bele iha númeru estudante ne’ebé maka’as liután iha tinan oin. Montante ba orsamentu ne’e hamutuk $. 91.500 dolar”, dehan S. E. Ministra Eudukasaun.
Governante ne’e hateten ba profesór no profesora sira ne’ebé mak hanorin iha pré-eskolar atu hanorin labarik sira kona-ba literasia, numerasia liuliu oinsá sira bele halimar no aprende ka aprende husi halimar, nune’e sira bele deskobre sira-nia talentu no prepara sira ba ensinu báziku.
#jornalistaluisalmeida
#MédiaME
